استانا اۋەجايىندا شەتەلدىك ۇستالدى

استانا. KAZINFORM - استانا حالىقارالىق اۋەجايىندا جالعان تولقۇجاتپەن وتپەك بولعان شەتەلدىك ۇستالدى.

12-قازاندا ۇ ق ك شەكارا قىزمەتى استانا قالاسىنىڭ حالىقارالىق اۋەجايىندا قازاقستان رەسپۋبليكاسىنىڭ جالعان تولقۇجاتىمەن كىرۋ ءۇشىن شەكارادان وتۋگە ارەكەتتەنگەن شەتەلدىك ازاماتتى ۇستادى.

ماتەريالدار ءتيىستى شارالار قابىلدانۋى ءۇشىن پوليتسيا ورگاندارىنا بەرىلدى.

2024-جىلدىڭ باسىنان شەكاراشىلار مەملەكەتتىك شەكارا ارقىلى وتكىزۋ پۋنكتتەرىندە جارامسىز جانە بوگدە ادامداردىڭ ءتولقۇجاتتارىن پايدالانۋدىڭ 198 فاكتىسىن جويدى.

ۇ ق ك شەكارا قىزمەتى جالعان قۇجاتتاردى پايدالانىپ شەكارانى بۇزعانى ءۇشىن قىلمىستىق جاۋاپكەرشىلىك قاراستىرىلعانىن حابارلايدى.