استانا اۋەجايىندا 18 رەيس كەشىكتىرىلىپ جاتىر
استانا. KAZINFORM - استانا حالىقارالىق اۋەجايىنداعى ءورت اۋىزدىقتالدى، ازىرگە 18 رەيس كەشىكتىرىلىپ جاتىر.
«27-اقپان ساعات 07:50 دە استانا حالىقارالىق اۋەجايىنىڭ كوممۋتاتسيالىق جۇيەسىنەن ءورت شىققانى تۋرالى حابارلاما كەلدى. 08:24 تە ءورت تولىقتاي اۋىزدىقتالدى. ءورت ءسوندىرۋ كەزىندە قويۋ ءتۇتىننىڭ پايدا بولۋىنا بايلانىستى اۋەجاي تەرمينالىنداعى بارلىق جولاۋشى قاۋىپسىز جەرگە ەۆاكۋاتسيالاندى»، - دەپ جازىلعان استانا حالىقارالىق اۋەجايىنىڭ حابارلاماسىندا.
ءورتتى سوندىرۋگە 20 تەحنيكا، 3 ارنايى تەحنيكا جانە 58 ادام جۇمىلدىرىلدى.
استانا حالىقارالىق اۋەجايى ۇشىپ كەلەتىن رەيستەردى قابىلداۋدى توقتاتقان جوق.
الايدا ۇشاتىن 18 رەيس كەشىكتىرىلىپ جاتىر:
205 KC استانا - دۋباي
DV702 استانا - شىمكەنت
952 KC استانا - الماتى
IQ389 استانا - جەزقازعان
7052 KC استانا - الماتى
DV783 استانا - وسكەمەن
313KC استانا - اقتاۋ
357 TK استانا - ىستامبۇل
DV747 استانا - پاۆلودار
7341 KC استانا - قوستاناي
DV821 استانا - پۋلكوۆو
852 KC استانا - الماتى
7315 KC استانا - قىزىلوردا
Lo196 استانا - ۆارشاۆا
IQ367 استانا - قوستاناي
DV716 استانا - شىمكەنت
IQ437 استانا - پەتروپاۆل
345 KC استانا - وسكەمەن.
«كەشىكتىرىلگەن رەيستەردىڭ ناقتى ۇشۋ ۋاقىتى بەلگىسىز. جاعداي تۇراقتالعاننان سوڭ رەيستەر قالىپقا كەلتىرىلەدى. قولايسىزدىق ءۇشىن جولاۋشىلارىمىزدان كەشىرىم سۇرايمىز. جولاۋشىلارعا استانا حالىقارالىق اۋەجايىنىڭ اكىمشىلىگى سۋ مەن سۋسىن ۇسىنۋدا. الداعى ۋاقىتتا اكىمشىلىك جولاۋشىلاردى جەڭىل تاعاممەن قامتاماسىز ەتەدى»، - دەپ حابارلايدى ەدوردالىق اۋەجايدىڭ باسپا ءسوز قىزمەتى.
وسىعان دەيىن استانا حالىقارالىق اۋەجايىنان ءورت شىعىپ، ادامدار ەۆاكۋاتسيالانعانىن حابارلادىق.
اۆتور
ايجان سەرىكجان قىزى
