استانادا تەرروريزمگە قارسى اقابا پروتسەسىنىڭ سامميتى ءوتىپ جاتىر
استانا. KAZINFORM — استانادا اقابا پروتسەسىنىڭ «جاساندى ينتەللەكت سالاسىنداعى قاۋىپسىزدىك» تاقىرىبىنا ارنالعان سامميتى ءوتىپ جاتىر. بۇل تۋرالى اقوردانىڭ باسپا ءسوز قىزمەتى حابارلادى.
سامميتكە قازاقستان پرەزيدەنتى قاسىم-جومارت توقايەۆ، يوردانيا كورولى ІІ ابداللا بەن ءال-حۋسەين، تاجىكستان پرەزيدەنتى ەمومالي راحمون، تۇرىكمەنستان پرەزيدەنتى سەردار بەردىمۇحامەدوۆ، وزبەكستان پرەزيدەنتى شاۆكات ميرزيەۆ، ازەربايجان ۇلتتىق جينالىسىنىڭ سپيكەرى ساحيبا گافاروۆا، قىرعىزستان سىرتقى ىستەر ءمينيسترى جەەنبەك كۋلۋبايەۆ جانە باسقا دا رەسمي تۇلعالار قاتىسىپ جاتىر.
اقابا پروتسەسى - يوردانيا كورولى ІІ ابداللا بەن ءال-حۋسەين 2015 -جىلى كوتەرگەن تەرروريزمگە جانە زورلىقشىل ەكسترەميزمگە قارسى ءىس-قيمىل سالاسىنداعى حالىقارالىق باستاما.
اتالعان الاڭدا قاۋىپ-قاتەرلەرگە قاتىستى ورتاق تۇسىنىكتى قالىپتاستىرۋ جانە ناقتى ارەكەت ەتۋ شارالارىن ۇيلەستىرۋ ماقساتىندا مەملەكەتتەر باسشىلارى، ارنايى قىزمەتتەردىڭ، اسكەري ۆەدومستۆولاردىڭ جانە حالىقارالىق ۇيىمداردىڭ جەتەكشىلەرى باس قوسادى.
ايتا كەتەلىك يوردانيا كورولى قازاقستانعا رەسمي ساپارمەن كەلگەن ەدى. سونىمەن قاتار تۇرىكمەنستان پرەزيدەنتى جانە قاسىم-جومارت توقايەۆ استانا اۋەجايىندا تاجىكستان پرەزيدەنتىن قارسى العان ەدى.
