اسكەردەگى تاعى ءبىر ءولىم: سارى وزەكتە قاتارداعى جاۋىنگەر مەرت بولدى

استانا. KAZINFORM - قاتارداعى جاۋىنگەردىڭ ولىمىنە قاتىستى قىلمىستىق ءىس قوزعالدى. بۇل تۋرالى Ratel.kz حابارلايدى.

әскери техника
Фото: Kazinform

- 2025 -جىلدىڭ 14 -قاڭتارىندا ساعات 12:30 شاماسىندا № 12740 اسكەري ءبولىمنىڭ (سارى وزەك) مەرزىمدى اسكەري قىزمەتشىسى، قاتارداعى جاۋىنگەر قۇرمانبەك داستان مارات ۇلى (تۋعان كۇنى: 04.06.2006 ج. ) ءا ك-74 قارۋىمەن جۇرەك تۇسىنا وق اتتى. سارباز سول جەردە قايتىس بولدى. ول 2024 -جىلدىڭ 19 -قازانىندا تۇركىستان وبلىسى ماقتاارال اۋدانىنىڭ قورعانىس ىستەرى جونىندەگى دەپارتامەنتى ارقىلى اسكەرگە الىنعان، - دەلىنگەن حابارلامادا.

كەيىن اتالعان اگەنتتىك سارى وزەك اسكەري گارنيزونىنان رەسمي تۇسىنىكتەمە العان.

- دالاداعى جاتتىعۋ بارىسىندا مەرزىمدى اسكەري قىزمەتشىنىڭ اتىس قارۋىن قولدانۋ ەرەجەلەرىن بۇزۋ سالدارىنان كەۋدەسىنەن جاراقات العانى انىقتالدى. قىلمىستىق ءىس قوزعالدى. وقيعانىڭ سەبەپتەرى انىقتالۋدا، تەرگەۋ ءىس-شارالارى جۇرگىزىلۋدە، قۇرلىق اسكەرلەرىنىڭ باس قولباسشىسىنىڭ باسشىلىعىمەن ارنايى كوميسسيا تاعايىندالدى. قۇرلىق اسكەرلەرىنىڭ باسشىلىعى قازا تاپقان ساربازدىڭ وتباسىنا جانە جاقىندارىنا شىن جۇرەكتەن كوڭىل ايتادى، كومەك كورسەتىلەتىن بولادى، - دەپ جازىلعان اقپاراتتا.

Kazinform اگەنتتىگى ءىستىڭ ءمان-جايىن ءبىلۋ ماقساتىندا قورعانىس مينيسترلىگىنە رەسمي ساۋال جولدادى.

ايتا كەتسەك، بۇل اسكەردەگى ءبىرىنشى ءولىم ەمەس، بىلتىر قاراشادا اقتوبە وبلىسىندا سارباز وزىنە قول سالعان ەدى.

سونىمەن قاتار ش ق و- دا مەرزىمدى قىزمەتتەگى اسكەري قىزمەتشى قازا بولدى.

ەسكە سالا كەتەيىك، 2022 -جىلى مەملەكەت باسشىسى ارميادا ءولىم-ءجىتىمنىڭ جيىلەۋىنە بايلانىستى كوميسسيا قۇرۋدى تاپسىردى.

داۋلەت ىزتىلەۋ

اۆتور

سوڭعى جاڭالىقتار