اسكەردەگى ءولىمدى توقتاتۋ ءۇشىن دەپۋتاتتار زاڭ جوباسىن ازىرلەمەك
استانا. KAZINFORM - ءماجىلىس دەپۋتاتى يۋليا كۋچينسكايا AMANAT پارتياسى ۇيىمداستىرعان ءماسليحات دەپۋتاتتارىنىڭ فورۋمىندا جاستاردى اسكەري-پاتريوتتىق تاربيەلەۋ جانە اسكەرگە شاقىرۋدى ۇيىمداستىرۋ جونىندەگى زاڭ جوباسى تۋرالى ايتىپ بەردى.
وسىلايشا دەپۋتاتتار قارۋلى كۇشتەردەگى قايعىلى وقيعالاردى توقتاتۋدى جوسپارلاپ وتىر.
ءوز سوزىندە دەپۋتات اسكەري قىزمەتشىلەرمەن بولعان قايعىلى وقيعالارعا تۇتاس قوعام الاڭداۋلى ەكەنىن جەتكىزدى. ونىڭ ايتۋىنشا، مۇنداي وقيعالاردىڭ كوپتەگەن سەبەبى بار جانە ونى شەشۋگە اسىرەسە زاڭنامالىق دەڭگەيدە كوپتەگەن ۇسىنىستار بار.
«پارلامەنت قابىرعاسىندا اسكەري-پاتريوتتىق تاربيە بويىنشا زاڭ جوباسىمەن جۇمىس جۇرگىزىلۋدە. اسكەرگە شاقىرۋدى ۇيىمداستىرۋداعى وزگەرىستەر تالقىلانىپ جاتىر. AMANAT پارتياسىنىڭ ايەلدەر قاناتى ءماجىلىس دەپۋتاتتارىنىڭ قاتىسۋىمەن پسيحولوگيالىق قىزمەتتەردىڭ، ونىڭ ىشىندە اسكەردەگى قىزمەتتەر تۋرالى زاڭ جوباسىن ازىرلەپ جاتىر»، - دەپ ءتۇسىندىردى ول.
يۋ. كۋچينسكايا بارلىق دەڭگەيدەگى ءماسليحات دەپۋتاتتارىنا وسىنداي وزگەرىستەردى تالقىلاۋ جونىندەگى جۇمىسقا قوسىلۋدى ۇسىندى.
ونىڭ ايتۋىنشا، قوعاممەن سىندارلى، سەنىمدى ديالوگ قانا وڭ ناتيجەلەرگە قول جەتكىزۋگە مۇمكىندىك بەرەدى.
اۆتور
ايجان سەرىكجان قىزى
