اسكەردە ساربازداردان اقشا جيناۋ قاشان توقتايدى - مينيسترلىك جاۋابى
استانا. KAZINFORM - اسكەردە الىمجەتتىك ماسەلەسىمەن قاتار ساربازداردان اقشا جيناۋ پروبلەماسى بار بولىپ شىقتى. ماسەلەنىڭ ءمان-جايىن ق ر قارۋلى كۇشتەرى قۇرلىق اسكەرلەرى باس قولباسشىسىنىڭ ءبىرىنشى ورىنباسارى - باس شتاب باستىعى گەنەرال-مايور قۋانىشبەك ۇشتايەۆتان سۇرادىق.

— بۇل باعىتتا ءبولىم كومانديرلەرىمەن تىڭعىلىقتى جۇمىستار ءجۇرىپ جاتىر. ءاربىر سارباز تاماق، كيىممەن قامتىلعان. ءبىراق، اسكەري بولىمدەر اۋماعىندا دۇكەندەر بار، ال بالالار ءتاتتى جەگىسى كەلەدى، ونىڭ ۇستىنە قازىر ۇيالى تەلەفون ارقىلى اۋدارىم تۇرلەرى جۇمىس ىستەيدى. بىزدە كوپ قۇقىقبۇزۋشىلىق بولعان جوق. ەندى ءبىر-ەكى جاعداي بولدى، ياعني اكە-شەشەسىنەن 2000-3000 تەڭگە الىپ، ءوز قاجەتىنە جاراتقان، — دەدى قۋانىشبەك ۇشتايەۆ ورتالىق كوممۋنيكاتسيالار قىزمەتى الاڭىندا وتكەن باسپا ءسوز ءماسليحاتىندا.
ودان ءارى قورعانىس مينيسترلىگىنىڭ وكىلى اسكەردەگى الىمجەتتىك ماسەلەسىن قوزعادى.
— ءبىر، ەكى الىمجەتتىك وقيعالار بولعان شىعار، ءبىراق جالپى قارۋلى كۇشتەردە الىمجەتتىك بار دەگەنگە كەلىسپەيمىن. اسكەري قىزمەتشىلەر 100 پايىز مىندەتىنىڭ 99 پايىزىن ورىنداپ وتىر. الىمجەتتىك جاعدايى بويىنشا تيەسىلى جۇمىستار جاسايمىز، - دەپ تولىقتىردى باس شتاب باستىعى.
ايتا كەتسەك، ءبىر اپتا بۇرىن سارىوزەكتە (جەتىسۋ وبلىسى) قاتارداعى جاۋىنگەر وقۋ-جاتتىعۋ كەزىندە مەرت بولدى.
ەسكە سالا كەتەيىك، ەلىمىزدە اسكەردەگى ءولىمدى توقتاتۋ ءۇشىن زاڭ جوباسىن ازىرلەمەك.