اسكەر كۇشى رەيتينگىندە قازاقستان وزبەكستاننان قالىپ قويدى

News World Report زەرتتەۋىنىڭ ناتيجەسى بويىنشا قازاقستان اسكەر كۇشى بويىنشا 87 ەلدىڭ اراسىندا 19-ورىندا، وزبەكستان (18-ورىن) مەن ب ا ءا (20-ورىن) اراسىندا. بەلارۋس 12- ءشى، ءازىربايجان 24-ورىنعا تابان تىرەدى، - دەپ حابارلايدى ranking.kz.

باسىلىم مالىمەتىنشە، رەسەي الەمدەگى ەڭ قۋاتتى ارمياسى بار ەل بولىپ قالا بەرەدى، ودان كەيىن ا ق ش، ال قىتاي العاشقى ۇشتىكتى جاپتى. يزرايل 4-ورىندا، ال ۋكراينا 6-ورىندا. ولاردان بولەك الەمدەگى اسكەرى ەڭ مىقتى 10 ەلدىڭ قاتارىنا وڭتۇستىك كورەيا، يران، ۇلى بريتانيا، گەرمانيا جانە تۇركيا كىرەدى.

ليۋكسەمبۋرگ، سينگاپۋر جانە ەستونيانىڭ قارۋلى كۇشتەرى ەڭ ءالسىز دەپ تانىلدى.

رەيتينگ 36 ەلدەگى 17,2 مىڭ ادام اراسىندا جۇرگىزىلگەن ساۋالناما نەگىزىندە جاسالعان. بارلىق ەل جەكە جاۋاپتار جيىنتىعى نەگىزىندە 73 كريتەري (اتريبۋتتىڭ) بويىنشا باعالانىپتى.

وزبەكستان اسكەري كۇش بويىنشا قازاقستاننان تيىسىنشە 0,2 بالعا الدا، وزبەكستاندا 16 بال، قازاقستاندا 15,8 بال. سونىمەن قاتار، قازاقستان بۇعان دەيىن ەكى جىل قاتارىنان اسكەري كۇش بويىنشا كورشىلەس ەلدەن الدا بولدى: 2021-جىلى - 25,6 بال جانە 21,5 بال، 2022-جىلى - 12,6 بال جانە 10,8 بال.

ايتا كەتەيىك، ۋكراينا ءوز پوزيتسياسىن ايتارلىقتاي نىعايتتى: زەرتتەۋگە سايكەس، 2023-جىلى ول 73,6 بال جيناسا، 2022-جىلى بۇل كورسەتكىش 65,6 بلل، 2021-جىلى نەبارى 38,6 بال بولعان.