اسكەرگە شاقىرىلعانداردىڭ دەنساۋلىعىنا قويىلاتىن تالاپتار جاڭارتىلدى

استانا. KAZINFORM - قورعانىس مينيسترلىگى اسكەري قىزمەتكە شاقىرىلاتىن ازاماتتاردىڭ دەنساۋلىق جاعدايىنا قويىلاتىن تالاپتاردى وزگەرتتى.

جاڭارتىلعان ەرەجەلەر قازاقستان رەسپۋبليكاسىنىڭ قارۋلى كۇشى، باسقا دا اسكەرلەر مەن اسكەري قۇرامادا مىندەتىن وتەيتىن بارلىق ازاماتقا قاتىستى. ءتيىستى وزگەرىستەر 2025-جىلعى 30-ماۋسىمداعى قورعانىس ءمينيسترىنىڭ بۇيرىعىمەن بەكىتىلدى.

ازاماتتاردىڭ اسكەري قىزمەتكە جارامدىلىق دەڭگەيى بىرنەشە گرافا بويىنشا انىقتالادى:

- اسكەري ۋچاسكەلەرگە تىركەۋ كەزىندە؛

- مەرزىمدى اسكەري قىزمەتكە شاقىرۋ كەزىندە؛

- قورعانىس مينيسترلىگىنىڭ مامانداندىرىلعان ۇيىمدارىندا اسكەري-تەحنيكالىق جانە وزگە دە ماماندىقتار بويىنشا وتەۋسىز دايىندىقتان ءوتۋ ءۇشىن ىرىكتەلگەن ازاماتتارعا؛

- اسكەري وقۋ ورىندارىنا (مەكتەپتەرگە)، جالپى ورتا ءبىلىم بەرۋ باعدارلامالارىن جۇزەگە اسىراتىن جوعارى وقۋ ورىندارىنا ءتۇسۋ كەزىندە جانە ولاردىڭ تاربيەلەنۋشىلەرىنە قاتىستى.

2-گرافا

- تەحنيكالىق جانە كاسىپتىك، جوعارى ءبىلىم بەرۋ باعدارلامالارىن جۇزەگە اسىراتىن جوعارى وقۋ ورىندارىنا تۇسەتىن (وقيتىن) ازاماتتارعا (اسكەري قىزمەتشىلەرگە)؛

- اسكەري كافەدرالار مەن فاكۋلتەتتەرگە تۇسەتىن جانە وقيتىن ازاماتتارعا؛

- قاتارداعى جانە سەرجانتتار قۇرامىنان، سونداي-اق اسكەري اتاعى جوق ايەلدەر اراسىنان كەلىسىمشارت بويىنشا اسكەري قىزمەتكە ءتۇسۋ كەزىندە؛

- قورداعى قاتارداعى جانە سەرجانتتار قۇرامىنان رەزەرۆتەگى اسكەري قىزمەتكە ءتۇسۋ كەزىندە؛

- رەزەرۆتەگى اسكەري قىزمەتتى قاتارداعى جانە سەرجانتتار لاۋازىمدارىندا وتەپ جۇرگەن اسكەري قىزمەتشىلەرگە؛

- قورعانىس مينيسترلىگىنىڭ مامانداندىرىلعان ۇيىمدارىندا اسكەري-تەحنيكالىق جانە وزگە دە ماماندىقتار بويىنشا اقىلى نەگىزدە دايىندىققا ىرىكتەلگەن ازاماتتارعا؛

- مەرزىمدى قىزمەتتەگى اسكەري قىزمەتشىلەرگە؛

- كەلىسىمشارتقا قول قويىلعانعا دەيىن جوعارى وقۋ ورنىنىڭ كۋرسانتتارى مەن كادەتتەرىنە؛

- اسكەري جيىندارعا شاقىرىلعان قورداعى قاتارداعى جانە سەرجانتتار قۇرامىنا، ولاردى ەسەپكە الۋ ماقساتىندا.

3-گرافا

- قورداعى وفيتسەرلەرگە -اسكەري قىزمەتكە شاقىرىلۋ جانە كەلىسىمشارت نەمەسە رەزەرۆتەگى اسكەري قىزمەتكە ءتۇسۋ كەزىندە؛

- رەزەرۆتەگى اسكەري قىزمەتتى وفيتسەر لاۋازىمدارىندا وتەپ جۇرگەن اسكەري قىزمەتشىلەرگە؛

- كەلىسىمشارت بويىنشا قىزمەت وتكەرىپ جۇرگەن اسكەري قىزمەتشىلەرگە؛

- شاقىرۋ بويىنشا اسكەري قىزمەت وتكەرىپ جۇرگەن وفيتسەرلەرگە؛

- جوعارى وقۋ ورىندارىندا جوعارى وقۋ ورنىنان كەيىنگى ءبىلىم بەرۋ باعدارلامالارى بويىنشا وقۋعا تۇسەتىن اسكەري قىزمەتشىلەرگە؛

- اسكەري قىزمەت وتكەرۋ تۋرالى كەلىسىمشارتقا قول قويعاننان كەيىنگى كۋرسانتتارعا (كادەتتەرگە)؛

- اسكەري جيىندارعا شاقىرىلعان قورداعى وفيتسەرلەرگە، ولاردى ەسەپكە الۋ ماقساتىندا.

4-گرافا

- كەلىسىمشارت جانە رەزەرۆتەگى اسكەري قىزمەتتى وتكەرىپ جۇرگەن نەمەسە وعان تۇسكەن اسكەري قىزمەتشىلەرگە، دەسانتتىق-شابۋىلداۋ اسكەرلەرىندە (د ش ءا)، اسكەري-تەڭىز كۇشتەرىندە (ا ت ك)، ارنايى ماقساتتاعى بولىمدەردە (ا م ب) قىزمەت ەتەتىن شاقىرۋ بويىنشا وفيتسەرلەرگە - بۇل تالاپتار ارنايى ماقساتتاعى بولىمدەرگە، تەڭىز جاياۋ اسكەرلەرىنە، دەسانتتىق-شابۋىلداۋ جانە بارلاۋ بولىمشەلەرىنە، جاۋىنگەر جۇزگىشتەر مەن سۇڭگۋىرلەر قۇرامىنا، سونداي-اق كەمەلەر مەن تەڭىز كولىكتەرىنىڭ ەكيپاجدارىنا قاتىستى؛

- تانكتەر مەن باسقا دا ماشينالاردى سۋ استىندا جۇرگىزۋگە جانە تەڭىزگە شىعۋعا تارتىلاتىن اسكەري جيىندارعا شاقىرىلعان ازاماتتارعا.

جارامدىلىق ساناتتارى:

ا - اسكەري قىزمەتكە جارامدى؛

ب - اسكەري قىزمەتكە شامالى شەكتەۋلەرمەن جارامدى؛

ۆ - اسكەري قىزمەتكە شەكتەۋلى جارامدى (كەلىسىمشارت نەمەسە رەزەرۆتەگى قىزمەت وتكەرۋشىلەرگە، شاقىرىلعان وفيتسەرلەرگە قاتىستى)؛

گ - ۋاقىتشا جارامسىز؛

د - بەيبىت ۋاقىتتا جارامسىز، سوعىس ۋاقىتىندا شەكتەۋلى جارامدى؛

ە - اسكەري ەسەپتەن شىعارىلىپ، اسكەري قىزمەتكە جارامسىز؛

ج ز - جەكە اسكەري-ەسەپتىك ماماندىقتار بويىنشا قازاقستان رەسپۋبليكاسى قارۋلى كۇشتەرىنىڭ تۇرلەرى مەن اسكەر تەكتەرىندەگى، سونداي-اق باسقا دا اسكەرلەرى مەن اسكەري قۇرالىمدارىنداعى اسكەري قىزمەتكە جارامسىز، اسكەري وقۋعا تۇسۋگە جارامسىز، زياندى فاكتورلارمەن اسكەري قىزمەتكە جارامسىز؛

ۆ- دەرب - قازاقستان رەسپۋبليكاسىنىڭ قارۋلى كۇشى، باسقا دا اسكەري قۇرىلىمدارىنداعى قىزمەتكە جارامدىلىعى دەربەس ايقىندالادى جانە ب نەمەسە ۆ جارامدى؛

دەرب - جەكە اسكەري-ەسەپتىك ماماندىقتار بويىنشا قازاقستان رەسپۋبليكاسى قارۋلى كۇشتەرىنىڭ تۇرلەرىندەگى جانە اسكەر، سونداي-اق باسقا دا اسكەري قۇرىلىمدارىنداعى زياندى فاكتورلارمەن قىزمەتكە جارامدىلىعى دەربەس ايقىندالادى.

مەرزىمدى اسكەري قىزمەتشىلەر ءۇشىن «ب» جارامدىلىق ساناتى دەسانتتىق-شابۋىلداۋ اسكەرلەرىندە جارامسىز.

«گ» جارامدىلىق ساناتى كەلىسىمشارت بويىنشا اسكەري قىزمەت ەتۋگە، اسكەري وقۋعا تۇسۋگە جارامسىز، ال ۆ، د، جانە ە جارامدىلىق ساناتتارى اسكەري وقۋعا جانە مەكتەپتەردە ءبىلىم الۋعا جارامسىز.

بۇيرىق 2025-جىلعى 21-شىلدەدە كۇشىنە ەنەدى.

ايتا كەتەلىك ەلىمىزدە ساربازدارعا كرەديت بەرۋگە تىيىم سالۋ مەحانيزمى ازىرلەنگەن ەدى.