اسحات تاعىبەرگەننىڭ گولى «پۋشكاش سىيلىعىنا» ۇمىتكەرلەر تىزىمىنە ەندى
فۋتبولدان قازاقستان ۇلتتىق قۇراماسىنىڭ كاپيتانى اسحات تاعىبەرگەننىڭ دانيا قاقپاسىنا سوققان گولى «پۋشكاش سىيلىعىنا» ۇمىتكەرلەر تىزىمىنە ەندى.
بۇل ماراپات اسقان شەبەرلىكپەن ەڭ ادەمى سوعىلعان جىلدىڭ ەڭ ۇزدىك گولى يەسىنە تابىستالادى.
«پۋشكاش سىيلىعى» جىلدىڭ ۇزدىك گولى يەسىنە بەرىلەدى. جەڭىمپاز 2024-جىلدىڭ قاڭتار ايىندا وتەتىن The Best ماراپاتىن تابىستاۋ كەشىندە بەلگىلى بولادى.
قازاقستان قۇراماسى ويىنشىسىنان بولەك بۇل تىزىمگە تاعى 10 ويىنشىنىڭ گولى ەنگەن. سىلتەمەنى باسىپ تولىق تانىسۋعا بولادى.
اسحات تاعىبەرگەن بۇل گولىن 2024-جىلعى ەۋروپا چەمپيوناتىنىڭ ىرىكتەۋ كەزەڭى اياسىندا دانيا قۇراماسى قاقپاسىنا سوققان بولاتىن.
«پۋشكاش سىيلىعى» 2009-جىلدان بەرى تابىستالىپ كەلەدى. تانىمال سىيلىقتىڭ اتاۋى 1950-جىلدارى ۆەنگريا ۇلتتىق قۇراماسىنىڭ كاپيتانى بولعان فەرەنتس پۋشكاش قۇرمەتىنە بەرىلگەن.
العاش رەت بۇل سىيلىققا كريشتيانۋ رونالدۋ يە بولدى. ودان كەيىن ءار جىلدارى نەيمار، زلاتان يبراگيموۆيچ، حامەس رودريگەس، وليۆە جيرۋ جانە سون حىن مين سىندى فۋتبولشىلار جەڭىپ العان.
