اسات نۇرپەيىسوۆ پرەزيدەنتتىڭ ءىس باسقارۋشىسى بولىپ تاعايىندالدى

استانا. KAZINFORM - اسات بولات ۇلى نۇرپەيىسوۆ قازاقستان رەسپۋبليكاسى پرەزيدەنتىنىڭ ءىس باسقارۋشىسى بولىپ بەكىتىلدى.

«مەملەكەت باسشىسىنىڭ جارلىعىمەن اسات بولات ۇلى نۇرپەيىسوۆ قازاقستان رەسپۋبليكاسى پرەزيدەنتىنىڭ ءىس باسقارۋشىسى بولىپ تاعايىندالدى، ول بۇرىنعى اتقارعان لاۋازىمىنان بوساتىلدى»، - دەپ جازدى اقوردانىڭ رەسمي سايتى.

ايتا كەتەيىك، اسات بولات ۇلى 1987-جىلى 18- شىلدەدە دۇنيەگە كەلگەن.

2010-جىلى پراگاداعى نيۋ-يورك ۋنيۆەرسيتەتىن «ەكونوميكا جانە مەنەدجمەنت» ماماندىعى بويىنشا، 2012-جىلى ەۋروپالىق بيزنەس مەكتەبىن بىتىرگەن، MSc Global Banking and Finance «حالىقارالىق بانك ءىسى جانە قارجى» ماگيسترى.

پرەزيدەنتتىك جاستار كادرلىق رەزەرۆىنىڭ مۇشەسى.

2012-2015-جىلدارى KPMG Tax and Advisory مەنەدجمەنت كونسالتينگىندە جۇمىس ىستەگەن.

2015-2016-جىلدارى - مەملەكەتتىك باسقارۋ جۇيەسىن دامىتۋ دەپارتامەنتىنىڭ باسقارما باسشىسى، قازاقستان رەسپۋبليكاسى ۇلتتىق ەكونوميكا ءمينيسترىنىڭ كەڭەسشىسى.

2016-2017-جىلدارى - «بايتەرەك» ۇ ب ح» ا ق كورپوراتيۆتىك قارجى دەپارتامەنتىنىڭ ديرەكتورى.

2018-2019-جىلدارى - قازاقستان رەسپۋبليكاسى پرەمەر-ءمينيسترى كەڭسەسى جوبالىق باسقارۋ ورتالىعىنىڭ باس ينسپەكتورى، مەڭگەرۋشىنىڭ ورىنباسارى، مەڭگەرۋشىنىڭ مىندەتىن اتقارۋشى.

2019-2022-جىلدارى - قازاقستان رەسپۋبليكاسى ۇلتتىق بانكى ءتوراعاسى اپپاراتىنىڭ باسشىسى.

2022-جىلعى 16- اقپاننان باستاپ الماتى قالاسى اكىمى اپپاراتىنىڭ باسشىسى قىزمەتىن اتقاردى.

2023-جىلعى 5- قاڭتاردا قازاقستان رەسپۋبليكاسى پرەزيدەنتى ءىس باسقارۋشىسىنىڭ ورىنباسارى لاۋزىمىنا تاعايىندالدى.