اسا ءىرى لاۋازىم يەلەرىنىڭ اتىن پايدالانىپ، 1 ميلليون دوللار جىمقىرعان كۇدىكتى سوتتالدى

Петропавлда Мәдениет үйінің директоры 4 жылға сотталды
Фото: uralskweek.kz

استانا. KAZINFORM - سىبايلاس جەمقورلىققا قارسى ءىس-قيمىل اگەنتتىگىنىڭ رەسمي وكىلى ارمان تىلەۋكەنوۆ اسا ءىرى لاۋازىم يەلەرىنىڭ اتىن پايدالانىپ 1 ميلليون دوللار جىمقىردى دەلىنگەن كۇدىكتىنىڭ سوتتالعانىن ءمالىم ەتتى.

«وتكەن جىلدىڭ سوڭىندا استانا قالاسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتى ك. التايەۆقا قاتىستى ۇكىم شىعاردى.

وعان 10 جىل مەرزىمگە باس بوستاندىعىنان ايىرۋ جازاسى تاعايىندالدى. سونداي-اق ءومىر بويى مەملەكەتتىك قىزمەت اتقارۋ قۇقىعىنان ايىرىلدى»، - دەدى ول.

ايتۋىنشا، سوت كىنالى دەپ تاپقان ازامات «كەن ورنىن يگەرۋ كەلىسىمشارتىن ۇزارتامىن» دەگەن ۋادەمەن پارا تالاپ ەتكەن.

«ول اسا ءىرى مولشەردە پارا بەرۋگە ارانداتۋشىلىق جاساعانى، ونىڭ 1 ميلليون ا ق ش دوللارى كولەمىندەگى اقشالاي قاراجاتىن جىمقىرۋعا وقتالعانى ءۇشىن ايىپتالدى.

بۇل رەتتە سوتتالعان ك. التايەۆ جوعارى لاۋازىمدى تۇلعالاردىڭ ەسىمدەرىن العا تارتىپ، ەلىمىزدەگى وبلىستاردىڭ بىرىندەگى كەن ورنىندا جەر قويناۋىن پايدالانۋ كەلىسىمشارتىن ۇزارتۋعا ۋادە بەرگەن»، - دەدى اگەنتتىكتىڭ رەسمي وكىلى.

سوڭعى جاڭالىقتار