ارىستانبەك مۇحامەدي ۇلى سوتتا «اشتىق جاريالايمىن» دەپ سەس كورسەتتى

 سەگىز جىلعا باس بوستاندىعىنان ايىرىلعان ەكس-شەنەۋنىك ارىستانبەك مۇحامەدي ۇلى تاعى ءبىر قىلمىستىق باپ بويىنشا سوت زالىندا جاۋاپ بەرىپ جاتىر. ء ار سوت وتىرىسىندا نەبىر شوۋ جاساۋدان جالىقپايتىن بۇرىنعى مادەنيەت ءمينيسترى بۇل جولى دا اۋەنىنە باسىپ، جينالعانداردى «اشتىق جاريالايمىن» دەپ قورقىتتى، - دەپ حابارلايدى ك ت ك تەلەارناسى. 

اشتىق جاريالاۋ
Фото: elcaribe.com.do

«ەگەر مەنىڭ قۇقىما شەك كەلتىرسە، رەسمي تۇردە اشتىق جاريالايمىن. ولار نە قالاسا، ونى قالاسىن!»، - دەيدى ارىستانبەك مۇحامەدي ۇلى.

دەگەنمەن سوت وتىرىسىنىڭ باستالۋىنان اياقتالۋى تەز بولدى. سەبەبى مۇحامەدي ۇلىنىڭ مۇددەسىن قورعاۋعا كەلگەن ەكى زاڭگەردىڭ ءبىرى ىسپەن تولىق تانىسپاعان. جاڭا ادۆوكات سۋديادان وتىرىستى كەيىنگى شەگەرۋدى سۇراپ، ونىڭ ءوتىنىشى قاناعاتتاندىرىلدى.

ءبىر جىلدان اسا ۋاقىت تەرگەلگەن ارىستانبەك مۇحامەدي ۇلىنا سوت وتكەن ايدا ۇكىم شىعارعان. سۋديا ەكس-ءمينيستردى سەگىز جىلعا باس بوستاندىعىنان ايىردى. ارتىنشا، وتكەن ايدىڭ اياعىندا وعان «ديپلومات» قوناق ءۇيىن رەيدەرلىك جولمەن تارتىپ الدى دەگەن قوسىمشا ايىپ تاعىلدى. كۋاگەرلەر ەكس-شەنەۋنىكتىڭ جاعا ۇستاتارلىق نەبىر قۋلىق- سۇمدىعىن جايىپ سالعانىمەن، مۇحامەدي ۇلىنىڭ ءوزى «جالا جاۋىپ وتىر» دەگەن سوزىنەن تانار ەمەس.

سوڭعى جاڭالىقتار