ارىقتاۋ جايلى 7 اڭىز

 استانا. قازاقپارات - ارتىق سالماقتان ارىلۋ جايلى كوپتەگەن پىكىرلەردى ەستىپ جاتامىز. ءبىراق قايسى شىندىققا ساي؟

1. «تەز ارىقتاساڭ - ءدال سولاي تەز ارادا سالماق قوسىپ الاسىڭ». بۇل شىندىق. سالماق بىرەسە ءتۇسىپ، بىرەسە قوسىلىپ تۇرۋى اعزاعا زيان.

ءبىر ايدا 1-2 كيلوگرام تاستاۋ قالىپتى دەپ ەسەپتەلەدى. كەڭەس: ەگەر ءسال دە بولسا سالماق تاستاعان بولساڭىز، ءارى قاراي ارىقتاۋعا تىرىسپاي، سول سالماقتى ساقتاپ تۇرۋعا تىرىسىڭىز. ەگەر قولىڭىزدان كەلسە، ءارى قاراي ارىقتاۋدى جالعاستىرىڭىز.

2. «فيزيكالىق جاتتىعۋلارعا قاراعاندا ديەتا ءتيىمدى». بۇل تۇجىرىم اقيقاتقا ساي ەمەس. ديەتاعا وتىرىپ، فيزيكالىق جاتتىعۋلارمەن اينالىسپاۋ نەمەسە جاتتىعۋ زالىندا تەر توگىپ، كەشكى استا قۋىرىلعان كارتوپ جانە بالىشتەرمەن قارنىڭىزدى تويدىرساڭىز، وندا ارىقتاۋ جايلى ۇمىتقانىڭىز ءجون.

3. «ارىقتاۋدىڭ ءبىر جولى - از تاماق جەۋ». بۇل قۋلىق تا ىسكە اسپايدى. كەڭەس: ءوز پورسياڭىزدى بىلەتىن شىعارسىز، ياعني، تارەلكەگە قانشا جەي الاتىنىڭىزدى سالىڭىز دا، ۇشتەن ءبىرىن الىپ تاستاڭىز. ەگەر كەشكى اس بولسا - جارتىسىن.

4. «نان جەمەۋ». بۇل تۇجىرىم دا اڭىز. كۇنىنە بىرنەشە ءتىلىم قارا نان نەمەسە ديەتالىق نان - پىشىنىڭىزگە ونشا اسەر ەتە قويمايدى.

5. «جاڭا پىسكەن كوكونىستەر مەن جەمىستەر توڭازىتىلعانداردان جاقسى». ولاي ەمەس. ەگەر ونىمدەردى قوسىمشا توڭازىتپاي، دۇرىس ساقتاسا ولار دارۋمەندەرىنەن ايرىلمايدى. مۇمكىندىك بولسا، ارينە، جاڭا پىسكەن جەمىس-جيدەكتەردى جەڭىز، ال باسقا كەزدەرى توڭازىتىلعاننان ەش زيان جوق.

6. «مايلى تاماققا «جوق» دەڭىز!» مۇلدە باس تارتۋعا دا بولمايدى. مايدا بىرنەشە دارۋمەندەر بار، ولارسىز Е ،Д ،А دارۋمەندەرىنىڭ تاپشىلىعى بولۋى مۇمكىن.

7. «تاعامعا دامدەۋىش قوسىڭىز». بۇل راس. مىسالى، جانجابىل تامىرى جانە كۇنزە زات الماسۋدى تەزدەتەدى، ال بۇل ءوز كەزەگىندە ارىقتاۋعا مۇمكىندىك بەرەدى. كارري بولسا تابەتتى باسىپ، ماي جاسۋشالارىنىڭ كوبەيۋىن باياۋلاتادى.

دايىنداعان: انار مۇستافينا

massaget.kz