پاريجدەگى وليمپيادا ويىندارىنىڭ بيلەتتەرى قانشا تۇرادى؟

Париж Олимпиадасига чипталар оммавий сотувга чиқди
Фото: Спортни ривожлантириш дирекцияси

استانا. KAZINFORM – پاريجدەگى وليمپيادا ويىندارىنىڭ رەسمي سايتى الداعى سپورتتىق جارىستارعا بيلەتتەر ساتىلىمى باستالعانىن حابارلادى. جارىس بيلەتتەرىنىڭ ورتاشا باعاسى 101 ەۋرونى قۇرايدى. مۇنى تەڭگەمەن ەسەپتەر بولساق، 50 مىڭ شاماسىندا بولادى.

ەڭ ارزان باعا گولف جارىستارىندا ەكەن. وندا 24 ەۋرو (12 مىڭ تەڭگەگە جۋىق) تولەپ، جانكۇيەر بولا الاسىز. ال ەڭ قىمبات بيلەتتەر جەڭىل اتلەتيكا سپورتىندا: ورتاشا باعا - 224 ەۋرو (110687 تەڭگە).

وزگە دە جارىستارداعى بيلەتتەر باعاسى:

فۋتبول – 24 تەن 300 ەۋروعا دەيىن (11859 - 148242 تەڭگە).

بوكس – 24 تەن 520 ەۋروعا دەيىن (11859 - 256952 تەڭگە).

تەننيس – 30 دان 420 ەۋروعا دەيىن (14824 - 207538 تەڭگە).

اتۋ سپورتى – 24 تەن 45 ەۋروعا دەيىن (11859 - 22236 تەڭگە).

بيلەت باعاسى جارىستىڭ تۇرىنە جانە سەكتورى مەن ورنىنا بايلانىستى وزگەرىپ وتىرادى.

جارىستىڭ اشىلۋ سالتاناتى 26-شىلدە كۇنى وتەدى. سالتاناتتى كەشكە قاتىسۋ ءۇشىن بيلەت باعاسى 90 ەۋرودان باستالادى، ەڭ قىمباتى 3850 ەۋرو دەپ كورسەتىلگەن.

پاريجدەگى وليمپيادا ويىندارى 26-شىلدە مەن 11-تامىز ارالىعىندا وتەدى.

سوڭعى جاڭالىقتار