پاريجدە وليمپيادانىڭ قاۋىپسىزدىك جوسپارى جۇكتەلگەن نوۋتبۋك جوعالىپ كەتتى
استانا. KAZINFORM - دۇيسەنبى كۇنى كەشكە 2024 -جىلعى وليمپيادا كەزىندە قاۋىپسىزدىك شارالارىن ۇيىمداستىرۋ تۋرالى دەرەكتەرى بار كومپيۋتەر جوعالىپ كەتتى.
«Le Parisien» باسىلىمى مۋنيتسيپالدى پوليتسيا پاريجدەگى وليمپيادا ويىندارىنىڭ قاۋىپسىزدىك جوسپارلارىن ساقتاعان كومپيۋتەر مەن ەكى USB كىلتى بار سومكە دۇيسەنبى كۇنى كەشكە سولتۇستىك ۆوكزالدا (گار-دۋ-نورد) پويىزدان ۇرلانعانىن حابارلادى.
جوعالعان مالىمەتتەر پاريج مەرياسىنىڭ ينجەنەرىنە تيەسىلى، ول كرەمگە بارا جاتقان پويىزعا وتىرعان. جابىرلەنۋشى بەرگەن اقپاراتقا سايكەس، ول سومكەنى ورىندىعىنىڭ ۇستىندەگى باگاج بولىمىنە سالعان.
پوليتسيا وكىلدەرىنىڭ ايتۋىنشا، جابىرلەنۋشىنىڭ پويىزى كەشىگىپ، ول باسقا رەيسكە اۋىسۋعا شەشىم قابىلداعان. سومكە يەسى كومپيۋتەر مەن ەكى USB كىلتتە قۇپيا دەرەكتەر بار ەكەنىن ءتۇسىندىردى، اتاپ ايتقاندا - وليمپيادا كەزىندە مۋنيتسيپالدى پوليتسيانىڭ قاۋىپسىزدىگىن قامتاماسىز ەتۋ جوسپارلارى.
وقيعانى تەرگەۋ ايماقتىق كولىك پوليتسياسىنا جۇكتەلدى.
فرانسيا استاناسىنىڭ بيلىگى اعىمداعى جىلدىڭ 26-شىلدەسىنەن 11-تامىزىنا دەيىن وتەتىن وليمپيادا ويىندارى كەزىندە قالالىق پوليتسيانىڭ 2 مىڭ قىزمەتكەرىن جۇمىلدىرۋدى جوسپارلاپ وتىر.
اۆتور
ەركەجان سماعۇلوۆا
