پاريجدە جاس قازاق اقىندارىنىڭ پوەتيكالىق كەشى ءوتتى
قازاقستاننىڭ فرانسياداعى ەلشىلىگىندە قازاق دياسپوراسىنىڭ كوپتەگەن وكىلدەرى، سونداي- اق INALCO ينستيتۋتىنىڭ ستۋدەنتتەرى مەن قازاق ءتىلىن ۇيرەنىپ جاتقان «قورقىت» مادەني ورتالىعىنىڭ مۇشەلەرى ءۇشىن «كۇزگى كەزدەسۋ» اتتى پوەتيكالىق كەشى ءوتتى، دەپ حابارلايدى Kazinform.
«فرانسياداعى قازاقستاندىق كۇزى» مادەني ماۋسىمى اياسىندا وتكەن ءىس- شارا بارىسىندا حالىقارالىق «الاش» ادەبي سىيلىعىنىڭ لاۋرەاتى تاناكوز تولقىن قىزى، ق ر جازۋشىلار وداعىنىڭ مۇشەلەرى جانارگۇل قادىروۆا مەن ايزادا راحىمجانوۆانىڭ ولەڭدەرى شىرقالدى.
باعدارلاما اقىن ا. راحىمجانوۆا مەن جۋرناليست جانە جازۋشى داستان قازتايدىڭ جاڭا كىتاپتارىنىڭ تۇساۋكەسەرىمەن، سونداي- اق تانىمال ءداستۇرلى ءانشى مەدىعات ماناپوۆتىڭ ونەرىمەن جالعاستى.
سونىمەن قاتار، پوەتيكالىق كەش اياسىندا قازاقستاننىڭ فرانسياداعى ەلشىلىگىنىڭ جانە ق ر جازۋشىلار وداعىنىڭ قولداۋىمەن 2020 -جىلى فرانسيادا تۇسىرىلگەن «كىشكەنتاي حانزادا» اتتى دەرەكتى فيلمىنىڭ كورسەتىلىمى ءوتتى. رەجيسسەر قارلىعا حاسەننىڭ بۇل جوباسى وڭتۇستىك كولۋمبيا، تۇركيا، تايلاند جانە داككاداعى حالىقارالىق كينوفەستيۆالدەردىڭ ۇزدىك فيلمدەرىنىڭ باستاپقى تىزىمىنە ەندى.
قازاقستاننىڭ فرانسياداعى ەلشىسى گۇلسارا ارىستانقۇلوۆا ءوز سوزىندە شەتەلدە وتانداستارىمىزدىڭ پاتريوتتىق رۋحىن كوتەرەتىن، وتانمەن بايلانىستارىن نىعايتاتىن وسىنداي ءىس- شارالاردى وتكىزۋدىڭ ماڭىزدىلىعىن اتاپ ءوتتى.
اقىندارمەن كەزدەسۋ ينتەراكتيۆتى ويىندارمەن جانە بەلسەندى كورەرمەندەرگە كىتاپتار، ۇلتتىق كادەسىيلار مەن تاتتىلەر تۇرىندەگى سىيلىقتار بەرۋمەن اياقتالدى.
پاريجدەگى پوەزيا كەشىنە قاتىسقان قازاقستاندىق اقىندار، ونەر ادامدارى مەن اقىندار تۋرالى «ەيفەل - ماحاببات مۇناراسى» اتتى جاڭا دەرەكتى فيلم تۇسىرۋگە نيەتتى.
