پاريج وليمپياداسىندا امەريكالىق سپورتشى سيمون بايلز اڭىزعا اينالعان ءادىسىن قايتالادى

استانا. KAZINFORM - ا ق ش نامىسىن قورعاعان تانىمال گيمناست سيمون بايلز «يۋرچەنكو» ءادىسىن (ەكى رەت ارتقا سەكىرۋ) ءساتتى ورىنداپ، وليمپيادانىڭ 6 دۇركىن چەمپيونى اتاندى.

ماماندار ك س ر و سپورتشىسى ناتاليا يۋرچەنكونىڭ اتىمەن اتالىپ كەتكەن سەكىرۋ ءادىسىن بايلز جەتىلدىرە ءتۇسىپ، ودان سايىن كۇردەلى ادىسكە اينالدىرعانىن ايتىپ وتىر. سايكەسىنشە، قازىر بۇل ءادىس بايلزدىڭ ەسىمىمەن اتالىپ ءجۇر. ونى ءتىپتى، ەرلەر دە ورىنداۋعا جۇرەكسىنەدى ەكەن.

بايلز بۇل ەرەكشە ءادىستى بۇعان دەيىن 2023 -جىلى بەلگيانىڭ انتۆەرپەن قالاسىندا وتكەن گيمناستيكادان الەم چەمپيوناتىندا ورىنداعان بولاتىن. ەندى، مىنە، اراعا ءبىر جىل سالىپ ءساتتى ءادىس پاريج وليمپياداسىنىڭ التىنىن سىيلادى.

امەريكالىق اتلەت باعدارلامانىڭ ءتورت تۇرىنەن 59,131 ۇپاي جينادى. برازيليالىق رەبەكا اندرادە (57,932) كۇمىسپەن كۇپتەلسە، توكيو وليمپياداسىنىڭ چەمپيونى امەريكالىق سۋنيسا لي (56,465) قولاعا قول جەتكىزدى.

اۆتور
ورالحان قوجانوۆ