پاريج وليمپياداسىنا وزبەكستان اتىنان 90 سپورتشى قاتىسادى
تاشكەنت. KAZINFORM - پاريجدە وتەتىن جازعى وليمپيادا ويىندارىندا وزبەكستان اتىنان 90 سپورتشى قاتىسادى. ولار سپورتتىڭ 19 تۇرىنەن سىنعا تۇسەدى.
بۇل تۋرالى پرەزيدەنت شاۆكات ميرزيەۆتىڭ قاتىسۋىمەن وتكەن كەڭەستە ايتىلدى، دەپ حابارلايدى Kazinform اگەنتتىگىنىڭ تاشكەنتتەگى مەنشىكتى ءتىلشىسى ءاليحان اسقار.
كەڭەستە ءمالىم بولعانداي، وليمپياداعا جولداما العان وزبەكستاندىق سپورتشىلاردىڭ %36- ى - ايەلدەر.
سپورتشىلاردى دايارلاۋ ءۇشىن جەكە ستراتەگيا ازىرلەنىپ، ولاردىڭ ىرىكتەۋ مەن وقۋ-جاتتىعۋ ءىس-شارالارىنا قاتىسۋىنا تولىق جاعداي جاسالدى. سپورتشىلار رەسپۋبليكاداعى 15 وليمپيادالىق جانە پاراليمپيادالىق ورتالىقتار مەن سپورت بازالارىندا دايىندىقتان وتكەن.
پرەزيدەنت شاۆكات ميرزيەۆ كەڭەس قورىتىندىسى بويىنشا جاۋاپتى ۆەدومستۆولارعا دارىندى جاستاردى قولداۋ جانە ۇلتتىق قۇراما كوماندالار ءۇشىن ساپالى رەزەرۆ قالىپتاستىرۋ تۋرالى تاپسىرما بەردى.
اۆتور
ءاليحان اسقار
