پاريج وليمپياداسىنا ۇپاي بەرەتىن سوڭعى باسەكە استانادا وتەدى

استانا. KAZINFORM - ەلوردا 10-12-مامىر كۇندەرى دزيۋدودان پاريج وليمپياداسىنا قاتىسۋعا ۇپاي بەرەتىن سوڭعى Qazaqstan Barysy Grand Slam تۋرنيرى وتەدى.

ق ر دزيۋدو فەدەراتسياسى ءمالىم ەتكەندەي، اتالعان ماڭىزدى دودا 10-12-مامىر كۇندەرى استاناداعى جاقسىلىق ۇشكەمپىروۆ اتىنداعى جەكپە-جەك سارايىندا وتەدى.

بايراقتى دودا دزيۋدوشىلار ءۇشىن 2024-جىلى پاريجدە وتەتىن جازعى وليمپيادا ويىندارىنا ۇپاي بەرەتىن سوڭعى Grand Slam كەزەڭى بولماق.

ەستەرىڭىزگە سالا كەتسەك، بۇل دودانىڭ ناتيجەسىندە IJF ەرەجەلەرىنە سايكەس جارىستىڭ جەڭىمپازدارى مەن جۇلدەگەرلەرى اراسىندا الەمدىك جانە وليمپيادالىق رەيتينگتەردە ۇپايلار بولىنەدى.

اتاپ ايتقاندا، I ورىن ءۇشىن 1000، Ⅱ ورىن ءۇشىن – 700، ال Ⅲ ورىن ءۇشىن - 500 ۇپاي ەسەپتەلەتىن بولادى.

قازاقستان دزيۋدو فەدەراتسياسى مەن حالىقارالىق دزيۋدو فەدەراتسياسىنىڭ (IJF) ەكىجاقتى كەلىسىمشارتىنا سايكەس، قازاقستان الەمدىك Grand Slam جارىسىن 2026-جىلعا دەيىن قابىلدايدى.

اۆتور كۇنسۇلتان وتارباي