پاريج وليمپياداسىنا ارنالعان كيىم فورماسىنىڭ ديزاينىنا اشىق كونكۋرس جاريالاندى

استانا. KAZINFORM - سپورت جانە دەنە شىنىقتىرۋ كوميتەتىنىڭ سپورتتى دامىتۋ ديرەكسياسى پاريجدەگى جازعى وليمپياداعا ارنالعان قازاقستان ۇلتتىق قۇراماسىنىڭ كيىم فورماسى مەن وعان قوسىمشا كەرەك-جاراق جابدىقتاردىڭ ديزاين تۇجىرىمداماسىن ازىرلەۋگە ارنالعان اشىق كونكۋرس جاريالانعانىن حابارلايدى.

كيىمدەر سالتاناتتى راسىمگە جانە جاتتىعۋعا ارنالعان جۇپتان تۇرادى. كونكۋرس كەزىندە كەلىپ تۇسكەن جۇمىستاردى ارنايى كوميسسيا قۇرامى قاراپ، ورتاق شەشىم قابىلدايدى.

جۇمىس توبىنىڭ قاتارىنا سپورت جانە دەنە شىنىقتىرۋ كوميتەتى، ق ر ۇلتتىق وليمپيادا كوميتەتى، قازاقستان سپورتشىلارى وداعىنىڭ وكىلدەرى، داڭقتى سپورتشىلارىمىز بەن ب ا ق قىزمەتكەرلەرى كىرەدى. بۇل قاتاردا ەلدوس سمەتوۆ، سەرىك ساپيەۆ، ازامات داۋلەتبەكوۆ، ءجاميلا باقبەرگەنوۆا، ولگا رىپاكوۆا، ءابيبا ابۋجاقىنوۆا، اننا اليابيەۆا، نۇربەك ورالباي، نۇرسۇلتان تۇرسىنوۆتى اتاپ وتۋگە بولادى. كوميسسيا ءتوراعاسى - سپورتتى دامىتۋ ديرەكسياسىنىڭ ديرەكتورى ەرلان ەستەك.

كونكۋرس ەكى كەزەڭگە سوزىلادى جانە ءاربىر كەزەڭ جەڭىمپازى ەرەجە شارتتارىنا سايكەس كوميسسيا وتىرىسىندا انىقتالادى. كونكۋرس كەزەڭدەرى:

I كەزەڭدە كوميسسيا كونكۋرسقا قاتىسۋشىلار وتىنىشتەرىن، ماتەريالدارىن قابىلداپ، قارايدى (2024-جىلعى 28- اقپان 20:00 دەن 10-ناۋرىز ساعات 18:30 دەيىن).

Ⅱ كەزەڭدە كونكۋرس جەڭىمپازدارى انىقتالىپ، جاريالانادى (2024-جىلعى 13-15- ناۋرىز ارالىعى).

كونكۋرسقا قاتىسۋشىلارعا ءتۇسىندىرۋ جۇمىسىنا جانە جالپى كونكۋرس وتكىزۋگە سپورتتى دامىتۋ ديرەكسياسى مەملەكەتتىك ساتىپ الۋ ءبولىمىنىڭ باستىعى ەرجان اسقاروۆ جاۋاپتى.