پاريج وليمپياداسىنا 9 اسكەري سپورتشى قاتىسادى

Әскери спортшылар
Фото: ҚР Туриз және спорт министрлігі

استانا. KAZINFORM - تۋريزم جانە سپورت ءمينيسترى ەرمەك مارجىقپايەۆ قورعانىس مينيسترلىگى ارميا ورتالىق سپورت كلۋبى سپورت كوميتەتىنىڭ وكىلدەرىن وتان قورعاۋشى كۇنىمەن قۇتتىقتادى.

ق ر تۋريزم جانە سپورت مينيسترلىگىنىڭ باسپا ءسوز قىزمەتى ءمالىم ەتكەندەي، سالتاناتتى ءىس-شاراعا قورعانىس مينيسترلىگىنىڭ وكىلدەرى، ا و س ك س ك باسشىلىعى، بوكستان وليمپيا ويىندارىنىڭ قولا جۇلدەگەرى ساكەن بيبوسىنوۆ، قازاق كۇرەسىنەن «اسكەر بارىسى» ەراسىل قاجىبايەۆ، «قازاقستان بارىسى» تۋرنيرىنىڭ جەڭىمپازى عالىمجان قىرىقباي قاتىستى.

Қарулы күштер
Фото: ҚР Туриз және спорт министрлігі

مينيستر ارميا ورتالىق سپورت كلۋبى اسكەري جۇمىس پەن حالىقارالىق دارەجەدەگى سپورتشىلار دايارلاۋدى قاتار جولعا قويعانىن اتاپ ءوتتى. بۇعان اسكەري قىزمەتشىلەر اراسىنان 9 سپورتشى پاريج وليمپياداسىنا جولداما جەڭىپ العانى دالەل. اتاپ ايتقاندا، بوكسشىلار - ساكەن بيبوسىنوۆ پەن ماحمۇد سابىرحان، تاەكۆوندوشىلار - سوميرحون اباباكيروۆ پەن باتىرحان تىلەۋعالي، قازىرگى بەسسايىس وكىلى ەلەنا پوتوپەنكو، نىسانا كوزدەۋدەن يسلام ساتبايەۆ، گرەك-ريم بالۋاندارى - ايدوس سۇلتانعالي مەن ءالىمحان سىزدىقوۆ جانە سپورتتىق گيمناستيكادان ناريمان قۇربانوۆ پاريجدە ەل نامىسىن قورعايدى.

Әскери спортшылар
Фото: ҚР Туриз және спорт министрлігі

«اسكەري سپورتشىلاردىڭ نەگىزگى جەتىستىكتەرىنىڭ كىلتى - ءداستۇردى ساقتاي وتىرىپ، ءارقاشان ءوز-ءوزىن دامىتىپ جۇرگەن جاتتىقتىرۋشىلار قۇرامىنىڭ ەڭبەگى. سىزدەردىڭ كاسىبيلىگىڭىزدىڭ ارقاسىندا ءبىزدىڭ كوپتەگەن سپورتشىمىز كوشباسشىعا اينالىپ، كوپكە ۇلگى بولىپ ءجۇر. سونىمەن قاتار سىزدەردىڭ سپورتقا دەگەن ادالدىق پەن جەڭىسكە دەگەن ۇمتىلىسىڭىز سپورتشىلاردى شابىتتاندىرىپ، ارميا قابىرعاسىندا قالىپتاسقان رۋحاني كۇش پەن مىنەزدىڭ بەرىكتىگى جەڭىسكە جەتۋ جولىنداعى كەز كەلگەن كەدەرگىنى ەڭسەرۋگە مۇمكىندىك بەرەدى»، - دەدى ەرمەك مارجىقپايەۆ.

Париж олипиадасы
Фото: ҚР Туриз және спорт министрлігі

سونىمەن قاتار ءىس-شارا بارىسىندا ا و س ك س ك وكىلدەرى - ساكەن بيبوسىنوۆ پەن ەراسىل قاجىبايەۆقا وفيتسەر اتاعى بەرىلدى.

اۆتور كۇنسۇلتان وتارباي

سوڭعى جاڭالىقتار