پاريج وليمپياداسى: 5-شىلدەگە دەيىن جەڭىل اتلەتيكادان تاعى دا ليتسەنزياعا ءۇمىتتىمىز - سەرىك جاراسبايەۆ

استانا. KAZINFORM – ق ر تۋريزم جانە سپورت مينيسترلىگىنىڭ وكىلى جازعى وليمپيادا ويىندارىنا دايىندىق بارىسىمەن تانىستىرىپ ءوتتى.

قازىرگى ۋاقىتتا ليسەنزيا جەڭىپ العان بارلىق سپورتشىلار سپورت ءتۇرىنىڭ ەرەكشەلىگىن، فيزيولوگياسىن جانە قاجەتتىلىكتەرىن ەسكەرە وتىرىپ، جەكە جوسپار بويىنشا دايىندالىپ جاتىر. دايارلاۋ جۇمىستارىن ءساتتى وتكىزۋ ءۇشىن 10 سپورت تۇرىنەن 14 شەتەلدىك مامان تارتىلدى.

«مەملەكەت باسشىسىنىڭ تاپسىرماسى بويىنشا سپورت سالاسىنداعى باسقارۋ ينستيتۋتتارى اراسىندا ءتيىمدى كوممۋنيكاتسيالاردى ۇيلەستىرەتىن جانە قامتاماسىز ەتەتىن شتاب قۇرىلدى. دەنە شىنىقتىرۋ جانە سپورت اكادەمياسىمەن بىرلەسىپ كەشەندى عىلىمي توپ قۇرىلدى. ول سپورتشىلاردىڭ تاماقتانۋ، تالداۋ، پسيحولوگيالىق سۇيەمەلدەۋ، دارىگەرلىك باقىلاۋدى قاراستىرىپ، دايىندىقپەن اينالىسادى. سپورتتى دامىتۋ ديرەكتسياسى، تۋريزم جانە سپورت يندۋسترياسىن قولداۋ قورى تاراپىنان سپورتشىلاردى ساپالى دايارلاۋ ءۇشىن بارلىق قاجەتتى جاعدايلار جاسالعان. اسىرەسە مەديتسينالىق، فارماكولوگيالىق قۇرالدارمەن جانە سپورتتىق تاماقتانۋمەن قامتىلعان»، — دەدى ق ر تۋريزم جانە سپورت ۆيتسە-مينيستر سەرىك جاراسبايەۆ و ك ق الاڭىندا وتكەن باسپا ءسوز كونفەرەنسياسىندا.

ق ر قۇراما كومانداسىنىڭ قورجىنىندا 83 ليسەنزيا بار. 5-شىلدەگە دەيىن جەڭىل اتلەتيكادان سپورتشىلار تاعى دا ليسەنزيالار جەڭىپ الادى دەپ كۇتىلىپ وتىر.