17:47, 10 - ماۋسىم 2024 | GMT +6
پاريج-2024: قازاقستان قورجىنى تاعى ءبىر جولدامامەن تولىقتى
استانا. KAZINFORM - قازاقستاننىڭ قورجىنىنا نىسانا كوزدەۋ سپورتىنان تاعى ءبىر وليمپيادا جولداماسى ءتۇستى. ونى ەل قۇراماسى ساپىنان يرينا يۋنۋسمەتوۆا ەنشىلەدى.
وتانداسىمىز حالىقارالىق ISSF وق اتۋ فەدەراتسياسىنىڭ وليمپيادالىق رەيتينگىنەن ورىن الدى. ەندى يۋنۋسمەتوۆا 10 مەترگە تاپانشامەن نىسانا كوزدەۋدەن سىنعا تۇسەدى. سپورتشى بۇعان دەيىن كايردەگى الەم كۋبوگىندا قولا مەدالعا يە بولعان ەدى.
بۇل -نىسانا كوزدەۋدەن قازاقستان قۇراماسىنىڭ التىنشى جوداماسى. وسى سپورت تۇرىنەن ءتورت جىلدىقتىڭ باستى دوداسىنا يرينامەن قاتار يسلام ساتپايەۆ، الەكساندرا لە، نيكيتا چيريۋكين، ارينا التۋحوۆا جانە كونستانتين مالينوۆسكي دە بارادى.
ال جالپى، قازاقستان ەنشىسىندەگى وليمپيادا جولداماسىنىڭ سانى 67 گە جەتتى.
