پاريج-2024: شۆەتسيالىق سىرىقپەن سەكىرۋشى وليمپيادا جانە الەم رەكوردىن جاڭارتتى

پاريج. KAZINFORM - شۆەتسيالىق سىرىقپەن سەكىرۋشى، ەكى دۇركىن الەم چەمپيونى ارمان ديۋپلانتيس وليمپيادا تاريحىنا ءوز ەسىمىن التىن ارىپتەرمەن جازدى.

Сырықпен секіру
Фото: championat.com

سىرىقپەن سەكىرۋ سايىسىندا امەريكالىق سەم كەندريكس (5,95 مەتر) كۇمىس، گرەكيالىق ەممانۋيل كاراليس (5,90 مەتر) قولا جۇلدەگەر اتانسا، ارمانعا التىن الۋ ءۇشىن 6 مەتردى باعىندىرۋ جەتكىلىكتى بولدى.

بۇدان كەيىن ا. ديۋپلانتيس جالعىز ءوزى قالىپ، رەكورد جاساۋعا كىرىستى. الدىمەن ول 6 مەتر 10 سانتيمەتر بيىكتىككە سەكىرىپ، وليمپيادا رەكوردىن (بۇرىنعىسى - 6,03 م) جاڭارتتى. سوسىن بيىل ءوزى ساۋىردە جاساعان الەم رەكوردىن (6,24 م) باعىندىرۋعا تىرىستى. ارمان ستاديون تولى كورەرمەننىڭ قولداۋىمەن ءۇشىنشى ارەكەتىنەن كەيىن بۇل ناتيجەگە دە قول جەتكىزدى - 6,25 مەتر!

بۇدان ءتورت جىل بۇرىن ا. ديۋپلانتيس 20 جاسىندا اتاقتى كەڭەستىك سىرىقپەن سەكىرۋشى سەرگەي بۋبكانىڭ 26 جىل تۇرعان الەمدىك رەكوردىن (6,14 م) ءبىر سانتيمەترگە (6,15 م) جاڭارتقان ەدى.

سوڭعى جاڭالىقتار