پاريج-2024: 31-شىلدەدە قازاقستاندىقتار قانداي ناتيجە كورسەتتى
استانا. قازاقپارات -31 -شىلدەدە پاريج وليمپياداسىندا قازاقستاندىقتار سپورتتىڭ التى تۇرىنەن - ترياتلون، نىسانا كوزدەۋ، ستەند اتۋ، بوكس، ۇستەل تەننيسى جانە سپورتتىق گيمناستيكادان جارىس جولىنا شىقتى.
ايەلدەر اراسىنداعى باسەكەدە قازاقستاندىق سپورتشى ەكاتەرينا شابالينا دا قاتىسقان بولاتىن. ول جارىستى تولىق اياقتاي العان جوق. جۇزۋدەن 55-ورىن العان ول ۆەلوكەزەڭ كەزىندە جارىستى جالعاستىرۋدان باس تارتتى.
نىسانا كوزدەۋدەن قازاقستان كومانداسىنىڭ مۇشەلەرى يسلام ساتپايەۆ پەن كونستانتين مالينوۆسكي ىرىكتەۋدەن وتكەن جوق. سپورتشىلار كىشى كاليبرلى ۆينتوۆكاامەن ءۇش پوزيتسيادا نىسانا كوزدەۋدەن (50 مەتر) ىرىكتەۋگە قاتىسقان بولاتىن. ساتپايەۆ 588 ۇپايمەن 18-ورىن السا، مالينوۆسكي 586 ۇپايمەن جارىستى 25-ورىندا اياقتادى.
ستەند اتۋدان ماريا دميتريەنكو فينالدان سىرت قالدى. تراپ باعدارلاماسى بويىنشا ىرىكتەۋدىڭ العاشقى كۇنىندە دميتريەنكو ءتورتىنشى ورىننان كورىنگەن ەدى. الايدا ەكىنشى ىرىكتەۋ كەزەڭىندە وتانداسىمىز بۇل باسىمدىقتى ۇستاپ تۇرا المادى. ول 120 ۇپايمەن ونىنشى ساتىعا ورنالاستى.
ۇستەل تەننيسىنەن كيريلل گەراسيمەنكو پاريج وليمپياداسىنىڭ شيرەك فينالىنا شىعا المادى. وليمپيادانىڭ 1/8-اينالىمىندا گەراسيمەنكو ەگيپەت وكىلى ومار اسسارمەن كەزدەستى. جەڭىس 4:2 ەسەبىمەن قارسىلاسىنىڭ ەنشىسىندە كەتتى.
سپورتتىق گيمناستيكادان ميلاد كاريم پاريج وليمپياداسىنىڭ فينالدىق سىنىن اياقتادى. جەكەلەي كوپسايىستا اياقتالدى. ميلاد كاريمي جالپى ەسەبى 76.065 ۇپاي جينادى. جارىس ناتيجەسىندە ميلاد كاريم 24-ورىن الدى. ەندى ميلاد 3-تامىز كۇنى ەركىن جاتتىعۋدان فينالدا سىنعا تۇسەدى. ال، ونىڭ كوماندالاسى ناريمان كۋربانوۆ 4-تامىز كۇنى تۇتقالى ات جاتتىعۋىندا ونەر كورسەتەدى.
بوكستان ۆالەنتينا حالزوۆا مەن ماحمۇد سابىرحان ءبىرىنشى جەكپە- جەگىندە جارىس جولىن اياقتادى.
اۆتور
ابىلايحان جۇماشيەۆ
