قاسىم- جومارت توقايەۆ پەن دجو بايدەننىڭ قاشان جانە قالاي كەزدەسەتىنى بەلگىلى بولدى

اق ءۇي ب ۇ ۇ باس اسسامبلەياسىنىڭ ءسامميتى بارىسىندا ا ق ش پرەزيدەنتى مەن ورتالىق ازيا مەملەكەتتەرى باسشىلارىنىڭ كەزدەسۋى وتەتىندىگىن راستادى، دەپ حابارلايدى قازاقپارات مەنشىكتى ءتىلشىسى اق ءۇيدىڭ باسپا ءسوز قىزمەتىنە سىلتەمە جاساپ.

ا ق ش- تىڭ ۇلتتىق قاۋىپسىزدىك ماسەلەلەرى جونىندەگى كەڭەسشىسى دجەيك سالليۆان كەلەسى اپتادا الەم كوشباسشىلارى ب ۇ ۇ باس اسسامبلەياسى 78-سەسسياسىنىڭ اشىلۋىنا جينالاتىنىن مالىمدەدى.

ا ق ش پرەزيدەنتى دجو بايدەن سارسەنبىگە دەيىن نيۋ- يوركتە بولىپ، بۇل مۇمكىندىكتى ءبىرقاتار ماسەلە بويىنشا ا ق ش- تىڭ مۇددەسى مەن قۇندىلىقتارىن ىلگەرىلەتۋ ءۇشىن پايدالانۋعا تىرىسادى.

سەيسەنبى كۇنى دجو بايدەن باس اسسامبلەياعا ءوزىنىڭ جىل سايىنعى جولداۋىن جاريالايدى. ا ق ش پرەزيدەنتى ءوزى جانە ونىڭ اكىمشىلىگى امەريكالىق كوشباسشىلىق ۇستانىمدارىن ىلگەرىلەتۋ ءۇشىن قابىلداعان قادامدارى تۋرالى ايتادى. ولار الەمدەگى مەيلىنشە وزەكتى ماسەلەلەردى شەشۋ باعىتىندا وزگە مەملەكەتتەرمەن ارىپتەستىككە نەگىزدەلگەن.

كەڭەسشى ا ق ش پرەزيدەنتىنىڭ ورتالىق ازيانىڭ بەس مەملەكەتى: قازاقستان، قىرعىز رەسپۋبليكاسى، وزبەكستان، تاجىكستان جانە تۇرىكمەنستان باسشىلارىمەن كەزدەسۋى جوسپارلانعانىن اتاپ ءوتتى.

دجەيك سالليۆاننىڭ ايتۋىنشا، «س5+1» پرەزيدەنتتەردىڭ تاريحتاعى تۇڭعىش ءسامميتى بولماق. ول ءىس جۇزىنە 2015 -جىلى باستالعان بولاتىن، سودان بەرى تەك كۇشەيىپ كەلەدى جانە مەملەكەتتەر كوشباسشىلارى دەڭگەيىنە جەتتى.

العاشقى سامميت كوشباسشىلارعا ايماقتىق قاۋىپسىزدىكتەن باستاپ، ساۋدا جانە ءوزارا ءىس- ارەكەتتەر، كليماتتىڭ وزگەرۋى مەن باسقارۋدى جاقسارتۋ جانە زاڭ ۇستەمدىگىن ارتتىرۋعا باعىتتالعان رەفورمالارعا دەيىنگى ءبىرقاتار ماسەلەنى تالقىلاۋعا مۇمكىندىك بەرەدى.

پرەزيدەنت مەملەكەت جانە ۇكىمەت باسشىلارىن ءداستۇرلى تۇردە قابىلداۋ ءراسىمىن وتكىزىپ، جەكە كەلىسسوز جۇرگىزۋگە مۇمكىندىك بولادى.

بۇعان دەيىن حابارلاعانىمىزداي، پرەزيدەنت قاسىم- جومارت توقايەۆتىڭ نيۋ- يورك قالاسىنداعى جۇمىس ساپارى باستالدى. ساپار بارىسىندا مەملەكەت باسشىسى ب ۇ ۇ باس اسسامبلەياسى 78-سەسسياسىنىڭ جالپى دەباتىندا ءسوز سويلەيدى، سونداي- اق «ورتالىق ازيا – ا ق ش» سامميتىنە قاتىسادى. بۇدان بولەك، پرەزيدەنت ءبىرقاتار مەملەكەتتىڭ باسشىلارىمەن، حالىقارالىق ۇيىمداردىڭ جانە ترانسۇلتتىق كومپانيالاردىڭ جەتەكشىلەرىمەن كەزدەسۋ وتكىزەدى دەپ جوسپارلانىپ وتىر.