نيۋ- يورك اكادەمياسى مەن «دارا» قورى قازاقستاندىق ستۋدەنتتەردى كينو ونەرىنە باۋليدى

نيۋ- يورك كينو ونەرى اكادەمياسى مەن الماتى مەنەدجمەنت ۋنيۆەرسيتەتى ءبىلىم بەرۋ باعدارلامالارى سالاسىندا ىنتىماقتاستىق ورناتتى، دەپ حابارلايدى قازاقپارات.

Almaty Management University (ALMA- U) جانە نيۋ- يورك كينو ونەرى اكادەمياسى (NYFA) ءبىلىم بەرۋ باعدارلامالارى سالاسىنداعى ىنتىماقتاستىق تۋرالى كەلىسىمگە قول قويدى.

«دارا» پرەزيدەنتتىك باستامالار قورىنىڭ قولداۋىمەن قول قويىلعان قۇجات قازاقستان مەن ا ق ش جوعارى وقۋ ورىندارى اراسىنداعى ءوزارا ءىس- قيمىلدىڭ جاڭا باستاۋى بولماق. كەلىسىمنىڭ ماڭىزدى بولىگى - شىعارماشىلىق كاسىپتەر ءۇشىن بىلىكتى كادرلاردى دايىنداۋ جانە جاسامپاز يندۋستريانى دامىتۋداعى كۇش- جىگەردى بىرىكتىرۋ.

مەملەكەت باسشىسىنىڭ جولداۋىندا قازاقستاننىڭ جاسامپاز ەكونوميكاسىنىڭ كەڭ اۋقىمدى دامۋى ءۇشىن جاعداي جاساۋ مىندەتتەرى قويىلعان.

«وڭىرلەردى ارالاعاندا ۇنەمى تالانتتى، شىعارماشىل ازاماتتاردى كەزدەستىرەمىن. ولاردىڭ ەلىمىزدەگى جاسامپاز ەكونوميكانىڭ كەڭ اۋقىمدى دامۋى ءۇشىن ءوز الەۋەتىن تولىق ىسكە اسىرۋى ءۇشىن جاعداي جاساۋ ماڭىزدى»، - دەدى قاسىم- جومارت توقايەۆ.

«دارا» پرەزيدەنتتىك باستامالار قورى شىعارماشىلىق ءوندىرىستى قالىپتاستىرۋعا جانە ەلىمىزدىڭ دارىندى جاستارىن قولداپ، دامىتۋعا ەرەكشە كوڭىل بولەدى.

قازاقستان مەن اقش وقۋ ورىندارىنىڭ ءوزارا ارەكەتتەستىگى يننوۆاتسيالىق ەكونوميكانىڭ، ونىڭ ىشىندە جاسامپاز ەكونوميكانىڭ قاجەتتىلىكتەرىن قاناعاتتاندىراتىن تالانتتاردى دايارلاۋ ءۇشىن ۇلكەن مۇمكىندىكتەرگە يە.

قول قويۋ ءراسىمى نيۋ- يورك اكادەمياسىندا ءوتتى. قۇجاتقا «دارا» قورىنىڭ وكىلدەرى مەن NYFA باسشىلىعى قول قويدى.