كاسپي تەڭىزىنىڭ جاعالاۋىندا ءتۋريزمدى دامىتۋعا نيەتتىمىز - سمايىلوۆ
پرەمەر- مينيستر ءوز سوزىندە مەملەكەتتىڭ ءتۋريزمدى دامىتۋعا، ءتول مادەنيەتىمىز بەن داستۇرلەرىمىزدى ناسيحاتتاۋعا ۇلكەن ءمان بەرىپ وتىرعانىن اتاپ ءوتتى.
ەل پرەزيدەنتى قاسىم- جومارت توقايەۆ ءوزىنىڭ جۋىردا جاريالاعان حالىققا جولداۋىندا بۇل سالادا سەرپىندى جوبالاردى ىسكە اسىرۋدى تاپسىردى.
«ءبىز «زاكىرلىك» جوبالار ىسكە اسىرىلاتىن ماڭىزدى 10 تۋريستىك ايماقتى انىقتادىق. ولاردىڭ ءبىرى - كاسپي تەڭىزىنىڭ جاعالاۋى. بۇل - ەرەكشە فاۋناسى، كوركەم جاعاجايلارى مەن ەجەلگى كورىكتى جەرلەرى بار ەرەكشە مەكەن. ءبىز كەز كەلگەن قوناق ءۇشىن بارىنشا قولايلى جاعداي جاساۋعا نيەتتىمىز. مەملەكەتتىڭ دە، جەكە سەكتوردىڭ دا كۇش- جىگەرى وسىعان باعىتتالعان»، - دەدى ءاليحان سمايىلوۆ.
پرەمەر- مينيستر بۇگىندە قازاقستاندا ازاماتتارى ۆيزاسىز جۇرە الاتىن مەملەكەتتەردىڭ سانى 80 گە دەيىن ارتقانىن ەسكە سالدى.
سونىمەن قاتار حالىقارالىق اۋە قاتىناسىنىڭ گەوگرافياسى كەڭەيىپ كەلەدى.
«وتكەن جىلدان بەرى مەملەكەتتىك قولداۋ شارالارى بويىنشا تۋريزم نىساندارىن سالۋ، تاۋ شاڭعىسى كۋرورتتارىن دامىتۋ جانە تۋريستىك اۆتوبۋستار ساتىپ الۋ جوبالارى قامتىلدى. شەتەلدىك تۋريستەردى تارتۋ ءۇشىن مەملەكەت تۋروپەراتورلارعا دا سۋبسيديا بەرەدى. سونداي- اق ەل ىشىندە ساياحاتتايتىن قازاقستان ازاماتتارى ءۇشىن بالالار اۋە بيلەتتەرى سۋبسيديالانادى»، - دەدى ءاليحان سمايىلوۆ.
سوڭعى ءۇش جىلدا سالاعا $4 ميلليارد كولەمىندە ينۆەستيتسيا تارتىلىپ، 400 دەن استام تۋريستىك نىسان سالىندى.
رەسپۋبليكادا Hilton, Marriott, Wyndham, Accor جانە ت. ب. سياقتى 20 دان استام تانىمال حالىقارالىق قوناق ءۇي جەلىلەرى ەسىگىن ايقارا اشتى.
«ءبىز شەتەلدىك جانە وتاندىق ينۆەستورلاردى قازاقستاننىڭ تۋريزم سالاسىن ەل ۇكىمەتىنىڭ قولداۋىمەن ۇزاق مەرزىمدى ينۆەستيتسيا سالۋ مۇمكىندىگى رەتىندە قاراستىرۋعا شاقىرامىز»، - دەدى ءاليحان سمايىلوۆ.
