ەلوردالىق ەكى ازامات ەسىرتكى ساتقانى ءۇشىن قۇرىقتالدى
ولاردىڭ جالدامالى پاتەرىنەن كاننابيس شايىرى جانە ماريحۋانا ەسىرتكى زاتتارىنىڭ ۇلكەن پارتياسى تابىلىپ، تاركىلەندى. تاركىلەنگەن ەسىرتكى قۇرالدارىنىڭ جالپى سالماعى ەكى جارىم كەلىدەن اسادى.
سونىمەن قاتار، ول جەردەن ستاندارتتى قۇرىلعىلار دا تاركىلەندى: ەلەكتروندى تارازىلار، سكوتچ، يزولەنتالار، پوليەتيلەن پاكەتتەر، ماركەرلەر.
اتالعان فاكتى بويىنشا ساراپتامالار، ونىڭ ىشىندە سوت-حيميالىق ساراپتاما تاعايىندالدى. ەسىرتكى قۇرالدارىن ساتۋ فاكتىسى بويىنشا ق ر ق ك- ءنىڭ 297-بابى 3-بولىگى (ەسىرتكى، پسيحوتروپتىق زاتتاردى، سول تەكتەستەردى وتكىزۋ ماقساتىندا زاڭسىز دايىنداۋ، قايتا وڭدەۋ، يەمدەنۋ، ساقتاۋ، تاسىمالداۋ، جونەلتۋ نە وتكىزۋ) بويىنشا قىلمىستىق ءىس قوزعالدى. قىلمىسقا قاتىسى بار 30 جانە 22 جاستاعى ەر ادامدار استانا قالاسىنىڭ پ د ۋاقىتشا ۇستاۋ يزولياتورىنا قامالدى.
ەلوردا اۋماعىندا ەسىرتكىنى جەتكىزۋگە جانە وتكىزۋگە قاتىسى بار باسقا دا تۇلعالار انىقتالىپ جاتىر.
