قازاقستاننىڭ بىرىككەن م م ا فەدەراتسياسى باسشىلارىنا ىزدەۋ سالدى

قازاقستاننىڭ بىرىككەن م م ا فەدەراتسياسى ءوز باسشىلارى اليك ايداربايەۆقا ىزدەۋ جاريالادى، دەپ حابارلايدى قازاقپارات ءتىلشىسى.

«قازاقستاننىڭ بىرىككەن م م ا فەدەراتسياسىنىڭ جاتتىقتىرۋشىلارى مەن سپورتشىلارى فەدەراتسيانىڭ ءىس باسىنداعى پرەزيدەنتى اليك ايداربايەۆتى ىزدەيدى. اليك سەرىك ۇلى، سپورتشىلارمەن بايلانىسقا شىعۋىڭىزدى سۇرايمىز»، - دەلىنگەن فەدەراتسيانىڭ Instagram اككاۋنتىندا جاريالانعان مالىمەتتە.

جاريالانىم استىنداعى پىكىرلەردىڭ بىرىندە: «فەداراتسيامىزدىڭ پرەزيدەنتىن تابا الماي ءجۇرمىز، بايلانىسقا شىقپايدى. ول فەدەراتسيانى باسقارعان ۋاقىتتىڭ ىشىندە 100 ميلليون تەڭگەدەن استام سالىق بەرەشەگى قالىپتاسىپ وتىر»، - دەلىنگەن.

قىزىلوردا وڭىرلىك م م ا فەدەراتسياسى دا جازبا استىندا پىكىر قالدىرعان.

«قۇرمەتتى اليك ايداربايەۆ! م م ا- نىڭ 16 وبلىستىق فەدەراتسياسى + جاڭادان قۇرىلعان وبلىستار ج ن ە ق ر رەسپۋبليكالىق فەدەراتسياسى. ماسەلەنى شەشىڭىز. مىڭداعان ۇل-قىز ارمانداپ، سىزگە لايىقتى ازامات رەتىندە قارادى. ءۇن قاتىڭىز. ازامات رەتىندە ءىستى سوڭىنا دەيىن جەتكىزىڭىز. مەن قىزىلوردادامىن، كەزدەسكەنبىز. ءسىزدىڭ بىزدە بيزنەستى لايىقتى باستاعانىڭىز ەسىمدە. ومىردە ءبارى بولادى. ءبىراق، ادام بولىپ قالۋعا ەش ۋاقىتتا كەش ەمەس»، - دەلىنگەن پىكىردە.

تۋريزم جانە سپورت مينيسترلىگى وسى جايتقا بايلانىستى كەيىنىرەك پىكىر بىلدىرۋگە ۋادە بەردى.

اليك ايداربايەۆ قازاقستاننىڭ بىرىككەن م م ا فەدەراتسياسىنىڭ پرەزيدەنتى لاۋازىمىنا 2020-جىلىدڭ 20- اقپانىندا سايلاندى. ول 2013-2017-جىلدارى ماڭعىستاۋ وبلىسىنىڭ اكىمى، ال 2018-2022-جىلدارى «قازمۇنايگاز» ۇ ك باسقارماسىنىڭ ءتوراعاسى بولعان ەدى.