پرەزيدەنت: ورالحان بوكەي - ۇلت رۋحانياتىنىڭ كوكجيەگىن كەڭەيتۋگە زور ۇلەس قوسقان ءبىرتۋار تۇلعا
قادىرلى قاۋىم! سىزدەردى كورنەكتى جازۋشى، دراماتۋرگ ورالحان بوكەيدىڭ تۋعانىنا 80 جىل تولۋىمەن قۇتتىقتايمىن!ورالحان بوكەي - ۇلت رۋحانياتىنىڭ كوكجيەگىن كەڭەيتۋگە زور ۇلەس قوسقان ءبىرتۋار تۇلعا. قارىمدى قالامگەر ادەبيەت الەمىنە العاش قادام باسقان ساتتەن باستاپ شوقتىعى بيىك شىعارمالارىمەن وقىرمان قاۋىمنىڭ ىقىلاسىنا بولەندى. ونىڭ «قايداسىڭ، قاسقا قۇلىنىم»، «قار قىزى»، «ۇيقىم كەلمەيدى»، «اتاۋ كەرە» جانە باسقا دا تۋىندىلارى قازاق ادەبيەتىنىڭ التىن قورىنا قۇندى قازىنا بولىپ قوسىلدى»، - دەلىنگەن حاتتا.
پرەزيدەنت جازۋشىنىڭ جاۋھار مۇرالارى كوپتەگەن شەت تىلىنە اۋدارىلعانىن، پەسالارى ەلىمىزدىڭ ىرگەلى ونەر وردالارىندا قويىلىپ، كورەرمەن كوزايىمىنا اينالعانىن اتاپ وتەدى.
«التايدىڭ كەربۇعىسى» اتانعان ەرەكشە دارىن يەسىنىڭ شىعارماشىلىق جولى، ازاماتتىق ۇستانىمى جانە قايراتكەرلىك قاسيەتى - جاستارعا ءاردايىم ۇلگى- ونەگە. ونىڭ مول ادەبي مۇراسى ءالى تالاي ۇرپاققا رۋحاني ازىق بولا بەرەتىنى ءسوزسىز. بارشاڭىزعا زور دەنساۋلىق، باق- بەرەكە تىلەيمىن!» - دەيدى قاسىم- جومارت توقايەۆ.
