بوكستان ايەلدەر قۇراماسى قىتايدا وتەتىن ازيا ويىندارىنا اتتاندى
قازاقستان بوكس فەدەراتسياسىنان ءمالىم ەتكەندەي، حانجوۋداعى جازعى ازيا ويىندارى قارساڭىندا قازاقستاندىق بۇرىمدى بوكسشىلار جەرگىلىكتى سپورتشىلارمەن بىرىككەن وقۋ-جاتتىعۋ جيىنىن وتكىزەدى.
«قازاقستان بوكس فەدەراتسياسىنىڭ پرەزيدەنتى كەڭەس راقىشەۆ اۋەجايعا ارنايى كەلىپ، ۇلتتىق قۇراما مۇشەلەرىن شىعارىپ سالدى. باستى ماقسات - قازاق بوكسىنىڭ ۇزدىك ەكەنىن تاعى ءبىر مارتە كورسەتىپ، مەدالدار مەن پاريج-2024 وليمپياداسىنا ليتسەنزيالار يەلەنۋ»، - دەلىنگەن فەدەراتسيا تاراتقان مالىمەتتە.
سونىمەن قاتار، ق ب ف پرەزيدەنتىنىڭ جەكە قاراجاتىنان سىياقى بەرۋ ءداستۇرى جالعاسا بەرەتىنى بەلگىلى بولدى.
التىن مەدال ءۇشىن چەمپيوندار 50 مىڭ ا ق ش دوللارىن، كۇمىس جۇلدەگەرلەر - 30 مىڭ ا ق ش دوللارىن، قولا مەدال ءۇشىن - 10 مىڭ ا ق ش دوللارىن الادى.
قىتاي شارشى الاڭىندا ەل نامىسىن قورعايتىن بۇرىمدى بوكسشىلار ءتىزىمى:
50 كەلى - نازىم قىزايباي
54 كەلى - جاينا شەكەربەكوۆا
57 كەلى - كارينا يبراگيموۆا
60 كەلى - ريمما ۆولوسەنكو
66 كەلى - ناتاليا بوگدانوۆا
75 كەلى - ۆالەنتينا حالزوۆا.
ەستەرىڭىزگە سالا كەتەيىك، XIX جازعى ازيادا 23- قىركۇيەك پەن 8- قازان ارالىعىندا قىتايدىڭ حانجوۋ قالاسىندا وتەدى.
قازاقستان قۇراماسىنان 500 دەن استام سپورتشى سپورتتىڭ 33 تۇرىنەن سىنعا تۇسەدى.
ازيا ويىندارىندا فينالعا جەتكەن بوكسشىلار مەدالداردان بولەك وليمپيادا ويىندارىنا جولداما الادى.
اۆتور: كۇنسۇلتان وتارباي
