ازيا ويىندارىندا جۇلدە العان سپورتشىلارعا قانشا قارجى تولەنەدى

استانا. قازاقپارات - تۋريزم جانە سپورت مينيسترلىگى الداعى جازعى ازيا ويىندارىندا جۇلدە العان قازاقستاندىق سپورتشىلار مەن ولاردىڭ جاتتىقتىرۋشىلارىنا قانشا اقشا تولەنەتىنىن جاريالادى، دەپ حابارلايدى قازاقپارات مينيسترلىكتىڭ باسپا ءسوز قىزمەتىنە سىلتەمە جاساپ.

ازيا ويىندارىنىڭ چەمپيونى اتانعان سپورتشىعا 10000 ا ق ش دوللارى كولەمىندە اقشالاي سىياقى بەرىلەدى. ال، التىن مەدال يەگەرىن جارىسقا دايىنداعان جاتتىقتىرۋشىعا 5000 ا ق ش دوللارى قاراستىرىلىپ وتىر.

قۇرلىق بىرىنشىلىگىنىڭ كۇمىس جۇلدەگەرى 5000 ا ق ش دوللارى، ال جاتتىقتىرۋشىسى 3000 ا ق ش دوللارى كولەمىندە سىياقى الادى. سونداي-اق، قولا مەدال ەنشىلەگەن قۇراما سپورتشىسىنا 3000 ا ق ش دوللارى، ال ونىڭ جاتتىقتىرۋشىسىنا 2000 ا ق ش دوللارى كولەمىندە اقشالاي ىنتالاندىرۋ بەلگىلەنگەن.

ازيا ويىندارى قىتايدىڭ حانجوۋ قالاسىندا 23- قىركۇيەك پەن 8- قازان ارالىعىندا وتەدى. ءوز تاريحىندا 19-مارتە جالاۋىن كوتەرەتىن ازيا ويىندارىندا 40 تان استام سپورت تۇرىنەن جۇلدەلەر ساراپقا سالىنادى. قۇرلىق بىرىنشىلىگىنە 45 مەملەكەت قاتىسادى دەپ جوسپارلانىپ وتىر.

«ازيا ويىندارىنا قاتىساتىن ۇلتتىق قۇراما جاساقتالىپ، ەلىمىزدىڭ ءار وڭىرىندە وقۋ-جاتتىعۋ جيىندارىن وتكىزىپ جاتىر. سپورتشىلارىمىز جاقىن كۇندەرى قىتايعا اتتانادى»، - دەدى ق ر تۋريزم جانە سپورت مينيسترلىگىنىڭ رەسمي وكىلى ءمولدىر ابدۋاليەۆا.