الداعى ءۇش كۇن جاڭبىرلى بولادى، كەي ايماقتاردا قار جاۋادى

استانا. قازاقپارات - قازگيدرومەت سينوپتيكتەرى 14-16- قىركۇيەك ارالىعىنا ارنالعان اۋا رايى بولجامىن ۇسىندى، دەپ حابارلايدى قازاقپارات.

ءۇش كۇندە رەسپۋبليكانىڭ باسىم بولىگىندە ءالى دە تۇراقسىز اۋا رايى ساقتالادى، نايزاعاي جارقىلداپ، ەكپىندى جەل تۇرادى، جاڭبىر جاۋادى.

بۇكىل كەزەڭ بويى - شىعىستا، 14-15- قىركۇيەكتە - سولتۇستىكتە، 15-16- قىركۇيەكتە - باتىستا، 16- قىركۇيەكتە - ەلىمىزدىڭ سولتۇستىك-باتىسىندا قاتتى جاڭبىر جاۋادى.

ءۇش كۇن بويى رەسپۋبليكانىڭ وڭتۇستىك-شىعىسىنداعى تاۋلى ايماقتاردا تۇنگى ۋاقىتتا جاۋىن-شاشىن بولادى. جاڭبىر مەن قار جاۋادى دەپ بولجانىپ وتىر.

تەمپەراتۋرالىق فوندا ايتارلىقتاي وزگەرىستەر بولمايدى.

قازاقستاننىڭ سولتۇستىك جارتىسىندا اۋا تەمپەراتۋراسى تۇندە 3-10، كۇندىز 13-20، وڭتۇستىك جارتىسىندا تۇندە 7-15، كۇندىز 18-25 گرادۋس جىلى.