ا ە س سالۋدان قانداي ەكونوميكالىق پايدا بار
ۇكىمەت وتىرىسىنان كەيىنگى بريفينگتە ب ا ق وكىلدەرى ۆيتسە-مينيستردەن ا ە س سالۋدان قانداي ەكونوميكالىق پايدا كۇتۋگە بولاتىنىن سۇراعان ەدى.
«مەنىڭشە، ەڭ الدىمەن مەملەكەت باسشىسى ايتقان رەفەرەندۋمدى وتكىزىپ الۋ قاجەت. رەفەرەندۋمعا وراي قانداي دا ءبىر شەشىم بولادى. ءبىرىنشى كەزەڭدە قاۋىپسىزدىك ماڭىزدى دەپ ويلايمىن. قانداي دا ءبىر جاڭا تەحنولوگيالار كەرەك. مىندەتتى تۇردە قازاقستان كادرلارى بولۋى ءتيىس. وسى ولشەم-شارتتاردى ەسكەرە وتىرىپ قانا شەشىم قابىلداۋ قاجەت شىعار. پايداسىنا كەلەر بولساق، قانداي دا ءبىر ءونىم شىعارۋ ءۇشىن ەلەكتر ەنەرگياسى كەرەك. وزدەرىڭىز دە بىلەتىندەي بىزدە ەنەرگيا تاپشىلىعى بولدى. قازىر قانداي دا ءبىر ارتىلۋى بايقالادى. ەگەر قوسىمشا ەنەرگيا بولسا، وندا ەكونوميكانىڭ دامۋىنا قوسىمشا مۇمكىندىك تۋىندايدى»، - دەپ جاۋاپ بەردى ازامات ءامرين.
سونىمەن قاتار ول ا ە س سالۋعا قانشا قاراجات قاجەتتىگىنە قاتىستى ساۋالعا قارجى مينيسترلىگى جاۋاپ بەرەتىندىگىن ايتتى.
«مەنىڭ قۇزىرەتىمە كىرمەيدى، ايتا المايمىن. شىعىس بولىگى - قارجى مينيسترلىگىنە. ال رەفەرەندۋمنىڭ ءوزىن وتكىزۋ بولىگىنە ادەتتە ورتالىق سايلاۋ كوميسسياسى جاۋاپ بەرەدى»، - دەدى ۆيتسە-مينيستر.
