تۇركىستان وبلىسىندا ۇساق مالدان ءسىبىر جاراسى تىركەلدى

تۇركىستان. قازاقپارات - تۇلكىباس اۋدانى، شاقپاق اۋىل وكرۋگى، شاقپاق بابا ەلدى مەكەنىندە ءبىر ۇساق مالدان ءسىبىر جاراسى تابىلدى، دەپ حابارلايدى قازاقپارات ءتىلشىسى.

شاقپاق بابا ەلدى مەكەنىنىڭ ۇساق مالدارىن باقتاشى اۋىلدان 4-5 شاقىرىم جەردە باعىپ جۇرگەن. سونىڭ ىشىندە 7 ايلىق توقتى ءسىبىر جاراسىن جۇقتىرعان دەگەن كۇدىك بولعان. كەيىن ماماندار تاراپىنان جۇرگىزىلگەن ساراپتاما وڭ ناتيجە بەردى.

«ورىن العان وشاقتاعى 504 باس ۋاق مالمەن 1 باس جىلقىعا ۆاكسينا جانە 60000 مىڭ مل گليۋزامين ۆەت زالالسىزداندىرۋ پرەپاراتى ءبولىنىپ، ەلدى مەكەننەن 4 شاقىرىم قاشىقتىقتىقتا ورنالاسقان 1000 شارشى مەتر قوراجاي اۋماعىنا بۇركۋ ارقىلى دەزينفەكتسيا جۇمىستارى جۇرگىزىلدى. اۋىل تۇرعىندارى جانە اۋىل شارۋاشىلىعى جانۋارلارى اراسىندا «ءسىبىر جاراسى» اۋرۋىنىڭ بەلگىلەرى تىركەلمەگەنىن، وبلىس كولەمىندە ەپيزووتيالىق جاعداي تۇراقتى ەكەنىن حابارلايمىن» - دەلىنگەن تۇركىستان وبلىسى ۆەتەريناريا باسقارماسى ۇسىنعان اقپاراتتا.