كورشى ۇيدە بالا جىلاسا، ءۇنسىز قالماڭىز - كوميتەت باسشىسى قازاقستاندىقتارعا ۇندەۋ تاستادى
«ەلىمىزدە بالالاردىڭ قۇقىعىن قورعاۋ باعىتىندا قاتاڭ شارالار قولدانىلادى. زاڭناما بويىنشا بالاعا زورلىق-زومبىلىق كورسەتۋ فاكتىسى تۋرالى حابارلاۋ ءۇشىن ءوتىنىش جازۋدىڭ قاجەتى جوق. جالعىز رەت قوڭىراۋ شالسا جەتىپ جاتىر.
كورشى ۇيدەن بالانىڭ شىڭعىرعان، جىلاعان داۋسىن ەستىدىڭىز بە - ءۇنسىز قالۋعا بولمايدى. بۇل جاي عانا قولايسىز جاعداي ەمەس، بۇل قۇزىرلى ورگاندارعا حابارلايتىن جاعداي. كىرە بەرىس ەسىكتە ۋچاسكەلىك پوليتسيانىڭ ءنومىرى جازۋلى تۇرعان جوق پا؟ نەمەسە مەكتەپكە قوڭىراۋ قالاي شالاتىنىن بىلمەيسىز بە؟ الدە ورتاق چاتقا جازا المايسىز با؟ بالاعا قاتىستى زورلىق-زومبىلىقتى حابارلاۋدىڭ ءتۇرلى جولى بار. مەن بالانىڭ قۇقىعىمەن بايلانىستى ماسەلەگە كەلگەندە ەشبىر مەملەكەتتىك ورگان بەي-جاي قارامايتىنىنا سەنىمدىمىن»، - دەدى كوميتەت باسشىسى ورتالىق كوممۋنيكاتسيالار قىزمەتىندە.
سونداي-اق، ول بالالاردىڭ قۇقىعىن قورعاۋ ماسەلەسىندە باق وكىلدەرىنىڭ وتە بەلسەندى ەكەنىن ايتىپ، العىس ءبىلدىردى.
«سونداي جاعداي بولا قالسا، ب ا ق- تىڭ ءبارى حابار تاراتادى، جەلىنىڭ ءبارى شۋلايدى. بۇل جەردەگى ەڭ باستى دۇنيە - ءزابىر كورگەن بالانى سۋرەتكە تۇسىرمەۋ كەرەك. اتى-ءجونى مەن مەكەنجايىن، قاي مەكتەپ وقۋشىسى ەكەنىن كورسەتپەۋ كەرەك. ويتكەنى بالا ەرتەڭ وسەدى. ونىڭ تاعدىرى سىزدەردىڭ قولدارىڭىزدا. سوندىقتان وسى جاعىن ەسكەرسەڭىزدەر»، - دەدى ناسىمجان وسپانوۆا.
