بيىل قازاقستاندا مۇناي ءوندىرۋ كولەمى بويىنشا جوسپار ورىندالماۋى مۇمكىن

استانا. قازاقپارات - ەنەرگەتيكا ۆيتسە- ءمينيسترى اسحات حاسەنوۆ بيىل قازاقستاندا مۇناي ءوندىرۋ كولەمى ءبىرشاما ازايۋى مۇمكىن ەكەنىن ايتتى، دەپ حابارلايدى قازاقپارات ءتىلشىسى.

«ءوندىرۋ باعىتىندا ءبىرشاما تۇزەتۋ ەنگىزىلۋى مۇمكىن. جىل سوڭىنا دەيىنگى جوسپار بويىنشا 90,5 ميلليون توننا مۇناي ءوندىرۋ قاراستىرىلعان. بيىلعى 8 ايدىڭ قورىتىندىسىنا قاراساق، جوسپارلى دەڭگەيگە جەتپەي جاتىرمىز. الايدا جىل سوڭىنا قاراي بەلگىلەنگەن كورسەتكىشكە جەتۋگە تىرىسامىز»، - دەدى ا. حاسەنوۆ ماجىلىستە تىلشىلەر سۇراعىنا جاۋاپ بەرە وتىرىپ.

ونىڭ پايىمىنشا، 90 ميلليون توننا دەڭگەيىندەگى جوسپار ورىندالماسا دا، شامامەن 89 ميلليون توننا مۇناي ءوندىرىلۋى مۇمكىن.

«ەلىمىزدەگى ءىرى جوبالار بويىنشا ءتيىستى تەحنيكالىق جۇمىستار اتقارىلىپ جاتىر. ولار بۇل ءىس- شارالاردى تەز ارادا اياقتاسا، وندا مۇناي ءوندىرۋ كولەمى ارتادى. جالپى، بيىل 90,5 ميلليون توننا ءوندىرۋ كەرەكپىز، ءبىراق بۇل كورسەتكىش ءسال ازايۋى ىقتيمال»، - دەدى ۆيتسە- مينيستر.

بۇدان بۇرىن حابارلانعانداي، جاقىندا قاراشىعاناقتا مۇناي مەن گاز كوندەنساتىن ءوندىرۋ كولەمى قىسقاردى.

ەنەرگەتيكا مينيسترلىگىنىڭ مالىمەتىنشە، 2023 -جىلعا ارنالعان مۇناي ءوندىرۋ جوسپارى - 90,5 ميلليون توننا، ال ەكسپورت كولەمى - 71 ميلليون توننا.