كيم چەن ىن رەسەيگە باردى
بۇل تۋرالى قازاقپارات ر ي ا نوۆوستي- گە سىلتەمە جاساپ حابارلايدى.
«سولتۇستىك كورەيا كوشباسشىسىن كۇتىپ الدىم. كيم چەن ىن رەسمي ساپارمەن رەسەيگە كەلدى»، - دەپ جازدى ول.
كەزدەسۋ ك ح د ر- مەن شەكاراداعى پريمورە ولكەسى تۋماننايا وزەنى ۇستىندەگى كوپىردە بولدى. مينيستر كيم چەن ىننىڭ پويىزدان شىعىپ جاتقان ۆيدەوسىن جاريالادى، پەرروندا اسكەري وركەستر ويناپ تۇر.
كۇتىپ الۋ سالتاناتى اياقتالعان سوڭ سولتۇستىك كورەيا باسشىسى پريمورە گۋبەرناتورى ولەگ كوجەمياكو مەن تابيعاتتى قورعاۋ مينيسترلىگى باسشىسىمەن كەلىسسوز جۇرگىزدى.
«ءبىز بۇرىننان كورشىلەرىمىزبەن جاقسى قارىم- قاتىناستامىز، اۋىل شارۋاشىلىعى، قۇرىلىس، تۋريزم مەن باسقا سالالارداعى سەرىكتەستىكتىڭ الەۋەتى جوعارى»، - دەپ جازدى كوجەكمياكو Telegram-ارناسىندا.
كرەملدىڭ حابارلاۋى بويىنشا، ساپار بارىسىندا ۆلاديمير پۋتين كيم چەن ىنمەن جەكە جانە كەڭەيتىلگەن قۇراممەن كەلىسسوز جۇرگىزەدى. وعان قورعانىس ءمينيسترى سەرگەي شويگۋ دا قاتىسادى.
بۇل ساپارعا كيم چەن ىنمەن بىرگە سىرتقى ىستەر ءمينيسترى چحۆە سون حي، كورەيا ەڭبەك پارتياسى و ك اسكەري باسقارما بولىمشەسىنىڭ باسشىسى پاك چون چحون، ورتالىق اسكەري كوميتەت باسشىسىنىڭ ورىنباسارى لي بيەن چحول كەلگەن.
بۇعان دەيىن سولتۇستىك كورەيا كوشباسشىسى 2019 -جىلدىڭ ساۋىرىندە ۆلاديۆوستوكقا كەلگەن ەدى. ول 2011 -جىلى قىزمەتىنە كىرىسكەن كيم چەن ىننىڭ رەسەيگە العاشقى ساپارى بولاتىن.
اۆتور:
بالنۇر قوجاگەلدى
