كورمە-جارمەڭكە، كاراوكە - ەلوردادا ەرەكشە كىتاپ فەستيۆالى وتەدى

استانا. قازاقپارات - ەلوردادا ەرەكشە فورماتتا كىتاپ فەستيۆالى وتەدى، دەپ حابارلايدى قازاقپارات.

«KitapTime - 2023» Ⅱ جالپى رەسپۋبليكالىق كىتاپ فەستيۆالى ق ر ۇلتتىق اكادەميالىق كىتاپحاناسىندا 15-قىركۇيەك كۇنى ساعات 12:00 مەن 22:00 ارالىعىندا وتپەك.

فەستيۆال اياسىندا كۇندىزگى ۋاقىتتا ءتۇرلى باسپالاردىڭ قاتىسۋىمەن كورمە-جارمەڭكە، «Art-vision» قولونەر شەبەرلەرى مەن سۋرەتشىلەردىڭ پاۆيلونى، bookcrossing ،photo zone، بالالار شىعارماشىلىعىنا ارنالعان الاڭدا ەرتەگىلەر قويىلىمى، شەبەرلىك ساعاتتارى، ينتەراكتيۆتى، ۇلتتىق ويىندار، بالالار ادەبيەتىنىڭ كەيىپكەرلەر شەرۋى، فلەشموب ۇيىمداستىرىلادى.

كەشكىلىك فەستيۆالعا جينالعاندار «Reader» - جۇلدىزداردىڭ قاتىسۋىمەن كىتاپحاناعا جازىلۋ اكسياسىنا، «كىتاپحانالىق ءتۇن» مادەني شاراسىنا قاتىسادى.

«كىتاپحانالىق ءتۇن» باعدارلاماسىندا بيزنەس- كوۋچينگ، «Musikal party» كلاسسيكالىق مۋزىكا كەشى، «Quiz» ينتەللەكتۋالدىق الاڭى، پوەزيا كەشى، استانانىڭ تۇنگى اسپانىن تەلەسكوپپەن تاماشالاۋ، تۇنگى كاراوكە،

انتيكافە «Book جانە Coffee» سىندى ءتۇرلى قىزىقتى مادەني، رۋحاني شارالار ۇيىمداستىرىلادى.

فەستيۆالدىڭ ماقساتى - كىتاپ وقۋدى كەڭىنەن ناسيحاتتاۋ، ينتەللەكتۋال جاستاردى ىنتالاندىرۋ، مادەني قۇندىلىقتارىمىزدى حالىققا جەتكىزۋ.

فەستيۆالعا قوعام جانە مەملەكەت قايراتكەرلەرى، زيالى قاۋىم وكىلدەرى، ەلىمىزگە تانىمال ونەر جۇلدىزدارى، جاس قالامگەرلەر، بلوگەرلەر، ب ا ق-وكىلدەرى، ۇستازدار، بالالار، كىتاپحاناشىلار جانە وقىرماندار مەن ەلوردا قوناقتارى قاتىسادى دەپ كۇتىلۋدە.