استانا كوشەلەرىن تاعى دا سۋ باستى

استانا. قازاقپارات - بۇگىنگى جاۋىننان كەيىن ەلوردا كوشەلەرىن تاعى دا سۋ باستى، دەپ حابارلايدى قازاقپارات.

الەۋمەتتىك جەلىلەردە سۋ باسقان اۋماقتاردىڭ ۆيدەوسى تارادى.

اكىمدىك تاراتقان مالىمەتكە قاراعاندا قالا بويىنشا 100 دەن استام ارنايى تەحنيكا جۇمىلدىرىلعان.

سۋ باسقان ۋچاسكەلەردە بريگادالار جۇمىس ىستەپ جاتىر.

Elorda eco system ۇيىمى جەر ءۇستى اعىنىن بۇرۋ ماقساتىندا كوللەكتورلار مەن جاڭبىر قابىلداعىشتاردى، قۇبىرلاردى، نوسەر كارىزدەرىن تازارتۋ، كارىز جۇيەلەرىنىڭ قۇرىلىسى جانە ت. ب. جۇمىستى اتقارىپ جاتىر.

«بۇل جۇمىس 200 دەن استام پروبلەمالىق ۋچاسكەدە سۋ باسۋ پروبلەماسىن شەشۋگە مۇمكىندىك بەرگەن بولاتىن. نوسەرلى كارىز جەلىلەرى مەن تازارتۋ قۇرىلىستارىن سالۋ ماسەلەسى قالا اكىمدىگىنىڭ باقىلاۋىندا»، - دەيدى اكىمدىكتەن.

بيىل جەرۇستى سۋ اعىنىن بۇرۋ ءۇشىن 2,5 ك م نوسەر كارىزىنىڭ ماگيسترالدى جەلىلەرىن سالۋ جوسپارلانعان.