مەملەكەتتىك تەندەرلەرگە جەڭىلدىكپەن قول جەتكىزۋ ماسەلەلەرىن پىسىقتاۋ كەرەك - پرەزيدەنت
«جولداۋدا زاڭناماعا شاعىن كاسىپكەرلىك سۋبەكتىلەرىن ىرىلەندىرۋگە ىنتالاندىراتىن وزگەرىستەر ەنگىزۋدى تاپسىردىم. سالىق شارالارى، تەكسەرۋشى ورگانداردىڭ تاراپىنان جۇرگىزىلەتىن تەكسەرۋلەرگە بەلگىلى ءبىر يممۋنيتەت قالىپتاستىرۋ، سونداي- اق مامانداندىرىلعان قولداۋ قۇرالدارى مەن مەملەكەتتىك تاپسىرىستارعا قول جەتكىزۋ وسى ىنتالاندىرۋ شارالارىنىڭ قاتارىنا كىرۋگە ءتيىس. مىسالى، مەملەكەتتىك قارجىلىق قولداۋدىڭ ەرەكشە شارالارىن ۇسىنۋ، سونداي- اق ستاندارتتى سالىق رەجيمىندە جۇمىس ىستەيتىن بيزنەس ءۇشىن مەملەكەتتىك تەندەرلەرگە جەڭىلدىكپەن قول جەتكىزۋ ماسەلەلەرىن پىسىقتاۋ كەرەك»، - دەدى پرەزيدەنت.
قاسىم- جومارت توقايەۆتىڭ دەرەگىنشە، ەلىمىزدە قانداي دا ءبىر قيىندىقتارعا قاراماستان، مەملەكەتتىڭ قولداۋىنسىز تابىستى دامىپ، ەكسپورتتىق نارىقتاردى يگەرىپ جاتقان بىرنەشە ءجۇز عانا ورتا كاسىپورىن بار.
«بۇل رەتتە، مەنىڭ بىلۋىمشە، ولاردىڭ كوبى تەكسەرۋشى ورگانداردىڭ قۋدالاۋىنان قورقىپ، وسى ۋاقىتقا دەيىن مەملەكەتتىك كومەكتەن باس تارتتى. بۇل جەردە ارنايى ءتاسىل كەرەك. ەگەر بيزنەس ءوز مىندەتتەمەلەرىن ورىنداپ جاتسا جانە كوزدەگەن ماقساتتارىنا قول جەتكىزسە، وندا بىردە- ءبىر تەكسەرۋشى جوبانى ىسكە اسىرۋ كەزەڭىندە دە، ودان كەيىن دە وعان كەدەرگى كەلتىرمەۋگە ءتيىس»، - دەدى ول.
