انا ءولىمى، جەردىڭ توزۋى، كەدەيلىك – ب ۇ ۇ قازاقستانداعى تۇراقتى دامۋ كورسەتكىشتەرىن جاريالادى
بۇگىن قازاقستانداعى ب ۇ ۇ كەڭسەسى ديپلوماتيالىق كورپۋس وكىلدەرىمەن كەزدەسىپ، باستى كورسەتكىشتەردى جاريالادى، دەپ حابارلايدى قازاقپارات ءتىلشىسى.
«تۇراقتى دامۋ-2030» كۇن ءتارتىبى - كەدەيلىك، تەڭسىزدىك، كليماتتىڭ وزگەرۋى، قورشاعان ورتانىڭ دەگراداتسياسى سىندى الەمدەگى ەڭ وزەكتى ماسەلەلەردى شەشۋگە ارنالعان جاھاندىق مىندەتتەمە. ول 2030 -جىلعا قاراي الەمدى وزگەرتۋگە ارنالعان 17 تۇراقتى دامۋ ماقساتىنان قۇرالعان.
قازاقستانداعى ب ۇ ۇ تۇراقتى ۇيلەستىرۋشىسى ميكاەلا فريبەرگ- ستوريدىڭ ايتۋىنشا، بىرىككەن ۇلتتار ۇيىمى قازاقستاندى 2030 -جىلعا دەيىنگى تۇراقتى دامۋ ماقساتتارىنا قول جەتكىزۋدە سەنىمدى ارىپتەس دەپ سانايدى.
«تۇراقتى دامۋ ماقساتتارى – ب ۇ ۇ- نىڭ عانا ەمەس، تۇتاس الەمنىڭ ماقساتتارى دەۋگە بولادى. 2015 -جىلى ب ۇ ۇ- عا مۇشە ءاربىر مەملەكەت تۇراقتى دامۋ ماقساتتارىن ورىنداۋعا قول قويعان. سوعىس، پاندەميا، كليماتتىڭ وزگەرۋى ولارعا قول جەتكىزۋگە كەدەرگى كەلتىرۋدە. ءاربىر ەلدە 140 ينديكاتوردىڭ تەك %12 العا ىلگەرىلەۋىن كورىپ وتىرمىز، قالعان %30 ى ارتتا قالعان جانە تاعى %30 ى ەش دامىماي، كەرى كەتكەن. بۇل ماقساتتارعا جەتۋدى تەزدەتپەسەك، 2030 -جىلى شامامەن 575 ميلليون ادام اسقان كەدەيلىكتە ءومىر ءسۇرۋى مۇمكىن. الەم ەلدەرىنىڭ ۇشتەن ءبىرى عانا ۇلتتىق كەدەيلىك دەڭگەيىن جارتىسىنا دەيىن تومەندەتۋ ماقساتتارىنا قول جەتكىزە الادى. بۇل وتە قورقىنىشتى بولجام»، - دەدى ميكاەلا فريبەرگ- ستوري Radisson Astana قوناق ۇيىندە ديپلوماتتارمەن كەزدەسۋدە.
ب ۇ ۇ وكىلىنىڭ ايتۋىنشا، ءدال قازىر الەم 2005 -جىلدان بەرى كورمەگەن اشتىق دەڭگەيىنە قايتا ورالدى.
«ازىق- تۇلىك باعاسى جوعارى بولىپ قالۋدا، ونى ءوزىمىز دە تۇتىنۋشى رەتىندە سەزىپ وتىرمىز. اسىرەسە، قاراجاتى از ادامدارعا بۇل پروبلەما وتكىر ءتيىپ وتىر. وعان قوسا، گەندەرلىك تەڭدىك - تۇراقتى دامۋدىڭ بارلىق ماقساتتارىنا قول جەتكىزۋگە ىقپال ەتەتىن فاكتور. ءبىزدى قايران قالدىرعانى - قازىرگى ارتتا قالۋ قارقىنىمەن گەندەرلىك الشاقتىقتى جويۋعا شامامەن 300 جىل قاجەت بولادى»، - دەدى ميكاەلا فريبەرگ- ستوري.
وعان قوسا، م. فريبەرگ- ستوري كوروناۆيرۋس پاندەمياسى، ۋكرايناداعى سوعىس جانە كليماتتىڭ وزگەرۋىنىڭ سالدارىنا ەرەكشە توقتالدى. كوۆيد كەزىندە مەكتەپتەردىڭ جابىلۋىنا بايلانىستى 84 ميلليون ادامعا مەكتەپ ءبىلىمى بەرىلمەيدى، 300 ميلليون بالا جازۋ- سىزۋدى بىلمەي- اق مەكتەپ بىتىرەدى. بۇل ەڭ وكىنىشتى ينديكاتورلاردىڭ ءبىرى.
ب ۇ ۇ وكىلى قازاقستاننىڭ ورنىقتى دامۋ ماقساتتارىنا قول جەتكىزۋدە ۇلكەن پروگرەسكە قول جەتكىزگەنىن اتاپ ءوتتى. تاۋەلسىزدىك جىلدارى انا ءولىمى كورسەتكىشتەرى ايتارلىقتاي تومەندەگەن. ال ەرلەر مەن ايەلدەردىڭ ءومىر ءسۇرۋ ۇزاقتىعىنىڭ ايىرماشىلىعى - 8 جىل.
سونداي- اق، قازاقستاندا حالىقتىڭ %10 ۇلتتىق بايلىقتىڭ %66 يەلەنسە، جەردىڭ %21,3 توزعان. قازاقستان - ورتالىق ازياداعى ەڭ ۋربانيزاتسيالانعان مەملەكەت: حالىقتىڭ %62 عا جۋىعى قالالاردا تۇرادى. ازىق- تۇلىك قاۋىپسىزدىگى بويىنشا قازاقستان 113 مەملەكەت ىشىندە 32-ورىندا تۇر.
«جاقىندا قازاقستان پرەزيدەنتىنىڭ ءوز جولداۋىندا ۇكىمەتتىڭ تازا اۋىز سۋعا قول جەتكىزۋىنە باسا نازار اۋدارعانىن بايقادىق. سونداي- اق، ترانسشەكارالىق وزەندەر مەن قازاقستان الدىندا تۇرعان سىن- قاتەرلەر ماسەلەسى قوزعالدى، ارينە، ونى جالعىز قازاقستان شەشە المايدى. ءبىز جاڭا سۋ كودەكسى دايىندالعانىن، جاڭا سۋ مينيسترلىگى قۇرىلعانىن بىلەمىز. وسى شارالاردىڭ بارلىعى تۇراقتى دامۋ ماقساتتارىن، اتاپ ايتقاندا اۋىز سۋعا قول جەتكىزۋ ماقساتتارىن ودان ءارى ىسكە اسىرۋ ءۇشىن ۇلەس قوساتىنىنا سەنىمدىمىن»، - دەدى ب ۇ ۇ وكىلى.
م. فريبەرگ- ستوري باسقا ەلدەرگە قاراعاندا قازاقستانعا كليماتتىق داعدارىس كوبىرەك اسەر ەتەتىنىن جەتكىزدى. اسىرەسە بۇل قۇرعاقشىلىق پەن ونىڭ اۋىل شارۋاشىلىعىنا اسەرىنە قاتىستى.
«قازاقستان بيداي جانە باسقا دا داقىلداردى وسىرۋدە ماڭىزدى ءرول اتقارادى. كليماتتىق وزگەرىستەر مەملەكەتتىڭ ەكونوميكالىق دامۋىن عانا ەمەس، قازاقستاننان كەلەتىن يمپورتقا تاۋەلدى باسقا ەلدەرگە دە اسەر ەتۋى مۇمكىن. مۇندا، ەڭ الدىمەن، اۋعانستانداعى جاعدايدى ايتىپ وتىرمىز»، - دەيدى سپيكەر.
