رەسەي مەن بەلارۋس پرەمەر- مينيسترلەرى قازاقستانعا كەلەدى
«2023 -جىلعى 25-27- قىركۇيەكتە استانا قالاسىندا «EXPO» حالىقارالىق كورمە ورتالىعىنىڭ اۋماعىندا «يننوپروم. قازاقستان-2023» اتتى حالىقارالىق ونەركاسىپتىك كورمەسى وتەدى. كورمەنىڭ ماقساتى - ونەركاسىپتىك كووپەراتسيانى دامىتۋ، ينۆەستيتسيالار تارتۋ، ساۋدا ىنتىماقتاستىعىن كەڭەيتۋ جانە جاھاندىق تاجىريبە الماسۋ»، - دەدى ول ۆەدومستۆودا وتكەن بريفينگىدە.
ونىڭ دەرەگىنشە، كورمەدە قازاقستان مەن رەسەيدىڭ نەگىزگى ونەركاسىپتىك كومپانيالارى، سونداي- اق ارمەنيا، بەلارۋس جانە ەۋرازيالىق ەكونوميكالىق وداق، پاكىستان، تۇركيا، ءۇندىستان، يران، ازەربايجان جانە باسقا دا ەلدەردىڭ جەكەلەگەن كومپانيالاردىڭ ەكسپوزيتسيالارى ۇسىنىلادى.
«ءىس- شاراعا جوعارى قوناقتار رەتىندە رەسەي فەدەراتسياسى ۇكىمەتىنىڭ ءتوراعاسى ميحايل ميشۋستين مەن بەلارۋس رەسپۋبليكاسىنىڭ پرەمەر- ءمينيسترى رومان گولوۆچەنكونىڭ قاتىسۋى جوسپارلانعان»، - دەدى ايبەك سمادياروۆ.
