تۇركيادا كىسى ولتىرگەنى ءۇشىن تەرگەلىپ جاتقان قازاقستاندىق ايەل ەكستراديتسيالانا ما

استانا. قازاقپارات - سىرتقى ىستەر مينيسترلىگىنىڭ رەسمي وكىلى ايبەك سمادياروۆ تۇركيادا كىسى ءولتىردى دەگەن كۇدىككە ىلىنگەن قازاقستاندىق ايەلدى ەكستراديتسيالاۋ مۇمكىندىگىنە پىكىر ءبىلدىردى، دەپ حابارلايدى قازاقپارات ءتىلشىسى.

«ەڭ الدىمەن بۇل ماسەلە كونسۋلدىق جەلى ارقىلى تالقىلانادى. ەكىنشىدەن، ەگەر ادام قىلمىس جاساسا نەمەسە قىلمىس جاساۋ كۇدىگىنە ىلىگىپ، ءالى تەرگەۋدە بولسا، وندا ەكستراديتسيالاۋ جايىندا ءسوز قوزعالمايدى. ۇكىم جاريالانىپ، زاڭدى كۇشىنە ەنگەننەن كەيىن عانا ەكستراديتسيالانادى»، - دەدى ايبەك سمادياروۆ مينيسترلىكتە وتكەن بريفينگ بارىسىندا ب ا ق وكىلدەرىنىڭ ساۋالىنا وراي.

س ءى م وكىلى تەرگەۋ پروتسەسىنىڭ قانشا ۋاقىتقا سوزىلۋى مۇمكىن ەكەنىن ايتا المايتىنىن اتاپ ءوتتى.

«سۇراقتى تۇركيانىڭ قۇقىق قورعاۋ ورگاندارىنا قويۋ كەرەك. بۇل ماسەلە ولاردىڭ تەرگەۋدى قانشالىقتى جىلدام جۇرگىزىپ، سوتقا تاپسىرۋىنا بايلانىستى»، - دەدى ايبەك سمادياروۆ.

بۇعان دەيىن 31- تامىزدا بۋرسا قالاسىندا 1993 -جىلى تۋعان قازاقستاندىق ايەل تۇرىك ازاماتىن ءولتىردى دەگەن كۇدىكپەن ۇستالعانىن، قازىر تەرگەۋ ءجۇرىپ جاتقانىن حابارلاعان ەدىك.