17:07, 12 - قىركۇيەك 2023 | GMT +6
كورەيا رەسپۋبليكاسى زاڭسىز يمميگرانتتار ءۇشىن «جاسىل ءدالىز» جاريالادى
استانا. قازاقپارات - كورەيا رەسپۋبليكاسىنىڭ ادىلەت مينيسترلىگى وسى جىلدىڭ 31-جەلتوقسانىنا دەيىن ەلدە زاڭسىز جۇرگەن شەتەلدىكتەردىڭ ءوز ەركىمەن كەتۋىنە ارنايى مەرزىم ەنگىزەدى، دەپ حابارلايدى قازاقپارات ءتىلشىسى.
كورەيا رەسپۋبليكاسى ادىلەت مينيسترلىگىنىڭ 8 - قىركۇيەكتەگى حابارلاماسىنا سايكەس، «جاسىل ءدالىز» اياسىندا زاڭسىز يمميگرانتتار ءوز ەركىمەن كەتكەن جاعدايدا ايىپپۇلدان جانە كورەيا رەسپۋبليكاسىنا ودان ءارى كىرۋگە تىيىم سالۋدان بوساتىلادى. «جاسىل ءدالىزدىڭ» ەل اۋماعىنا زاڭسىز كىرگەن، جالعان قۇجات جاساعان نەمەسە قىلمىستىق ىستەرگە تارتىلعان زاڭسىز يمميگرانتتارعا قاتىسى جوق.
