تۇركىستاندا مەملەكەتتىك تۋدى تەرىس ىلگەندەر جاۋاپقا تارتىلدى

تۇركىستان. قازاقپارات - تۇركىستاندا مەملەكەتتىك تۋدى تەرىس ىلگەندەر تارتىپتىك جاۋاپكەرشىلىككە تارتىلدى، دەپ حابارلايدى قازاقپارات ءتىلشىسى.

وقيعا 15-تامىز كۇنى بولدى. تۇركىستان وبلىسى «اتامەكەن» كاسىپكەرلەر پالاتاسىنىڭ ۇيىمداستىرۋىمەن وتكەن «قازاقستاننىڭ ۇزدىك تاۋارلارى - 2023» وڭىرلىك بايقاۋ- كورمەسىندە ساحناداعى لەد ەكراننان فون رەتىندە كورسەتىلگەن مەملەكەتتىك تۋدىڭ سۋرەتى تەرىس قاراپ قالعان. اتالعان جاعداي الەۋمەتتىك جەلىدە كەڭىنەن تالقىلانىپ، سىنالدى. ال، ءىس- شاراعا جاۋاپتى تۇركىستان وبلىسى كاسىپكەرلەر پالاتاسىنىڭ باسشىلىعى بۇل جاعداي بويىنشا جاۋاپتى ماماندارعا شارا قولدانىلاتىنىن ايتىپ، ەل حالقىنان كەشىرىم سۇرادى.

«اۋقىمدى ءىس- شارادا ساحنا تورىنە قويىلعان باننەر ەسكيزىنىڭ ورنالاسۋىندا تەحنيكالىق قاتەلىك ورىن العان. ولقىلىققا جول بەرگەن باسپاحانا باسشىلىعىنا ەسكەرتۋ جاسالىپ، كاسىپكەرلەر پالاتاسىنىڭ جاۋاپتى قىزمەتكەرلەرى ءتيىستى تارتىپتىك جاۋاپكەرشىلىككە تارتىلدى. الداعى ۋاقىتتا مۇنداي كەمشىلىكتەرگە جول بەرىلمەيتىندىگىن مالىمدەي وتىرا قازاقستاندىقتاردان، تۇركىستان ءوڭىرىنىڭ جۇرتشىلىعىنان كەشىرىم سۇرايمىز» - دەلىنگەن تۇركىستان وبلىسى كاسىپكەرلەر پالاتاسىنىڭ باسپا ءسوز قىزمەتى ۇسىنعان اقپاراتتا.

اۆتور:

قايرات زاينيشيەۆ