استانا اۋماعىنداعى بازارلاردا ەلەۋلى وزگەرىس بولادى
«ساۋدا جانە ينتەگراتسيا ءمينيسترىنىڭ تاپسىرماسىن ورىنداۋ ماقساتىندا 2025 -جىلعا دەيىن بازارلاردى جاڭعىرتۋ جونىندەگى جول كارتاسىن ورىنداۋ بويىنشا جۇمىستى ۇيلەستىرىپ جاتىرمىز. استانا قالاسى اۋماعىندا جوبانىڭ جالپى سوماسى 29,4 ميلليارد قۇرايتىن 3 بازار جاڭعىرتۋدان وتەدى. بۇل رەتتە، «شانحاي»، «التاي»، «ۇلجان» بازارلارى قامتىلىپ، ولاردى جاڭارتۋ جۇمىستارى 2025 -جىلدىڭ سوڭىنا دەيىن جالعاسادى»، - دەدى ن. ەگەمبەرديەۆ استانا قالاسىنىڭ كوممۋنيكاتسيالار قىزمەتىندەگى باسپاءسوز ءماسليحاتىندا.
سونىمەن قاتار ول ەلوردادا 9 ارنايى بازار بار ەكەنىن، ونىڭ ىشىندە «الاش» بازارى قازىرگى زامانعى ساۋدا فورماتىنىڭ نىسانىنا اينالعانىن ايتتى. قالعان 8 بازار 3-5 جىل ارالىعىندا زاماناۋي ساۋدا فورماتىنا كوشەدى. سونىڭ اراسىندا «ون- ولجا»، «مەرەكە- ماگنيت»، «ەتالون»، «شارىن»، «ساپا»، سونداي- اق كوكتالداعى بازار قامتىلادى. اتاپ ايتقاندا، «شارىن» بازارىندا ەكى كەزەڭنەن تۇراتىن جاڭعىرتۋ جۇمىستارى ۇيىمداستىرىلادى جانە ونى اياقتاۋ مەرزىمى 2024 -جىلعا بەلگىلەنگەن.
«2023 -جىلعى 30 -ناۋرىزداعى №32162 اقپاراتتىق جۇيەدە تىركەۋ قاعيدالارىنا سايكەس، ساۋدا بازارلارىن Smart QR جوباسىنا قوسۋ بويىنشا اۋقىمدى جۇمىس ىسكە اسىرىلىپ جاتىر. قازىرگى كەزدە جۇيەگە «استانالىق بازار» جانە «اسەم» بازارلارى قوسىلعان. ساۋدا قىزمەتىنىڭ قالعان سۋبەكتىلەرىن قوسۋ بويىنشا جۇمىس جالعاسىپ جاتىر. بۇل جوبا تۇرعىندارعا ىڭعايلى بولۋى ءۇشىن ىسكە قوسىلىپ جاتىر. وسى ورايدا بازارعا قاتىستى مالىمەتتىڭ بارلىعى Smart QR جۇيەسىنە ەنگىزىلگەن»، - دەدى ن. ەگەمبەرديەۆ
مۇنىمەن قوسا ول ساۋدا جانە تۇتىنۋشىلاردىڭ قۇقىقتارىن قورعاۋ دەپارتامەنتى استانا قالاسىنىڭ اكىمدىگىمەن بىرلەسىپ، الەۋمەتتىك ماڭىزى بار ازىق- تۇلىك تاۋارلارىنا % 15 ساۋدا ۇستەمەسىنەن اسىرۋعا جول بەرمەۋ باعىتىندا باعانى رەتتەۋ ءىس- شارالارىن تۇراقتى تۇردە وتكىزەتىنىن ايتتى. ءساۋىر ايىنان باستاپ ساۋدا ۇستەمەسىنە قاتىستى تالاپتاردى ورىنداماۋدىڭ 23 فاكتىسى انىقتالدى. ولار بويىنشا اكىمشىلىك ءىس قوزعالىپ، «ەسكەرتۋ» تۇرىندەگى جاۋاپكەرشىلىككە تارتىلدى.
