كولىك ەرتىسكە قۇلاي جازدادى: سەمەيدە دەمالۋشىلار قايعىلى جاعدايدان امان قالدى
اباي وبلىستىق پوليتسيا دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، جول-كولىك وقيعاسى قالاداعى بەيبىتشىلىك جاعالاۋىنىڭ ماڭىندا بولعان.
«Toyota Prado» كولىگىن ماس كۇيدە تىزگىندەپ كەلە جاتقان 56 جاستاعى جۇرگىزۋشى جىلدامدىقتى رۇقسات ەتىلگەن شەكتەن اسىرىپ جىبەرگەن. سونىڭ سالدارىنان جولدا توقتاپ تۇرعان «Hyundai Accent» كولىگىمەن سوقتىعىستى.
سوققىدان جەڭىل كولىك جاعالاۋعا قاراي ۇشىپ ءتۇسىپ، دەمالىپ جۇرگەن تۇرعىنداردى باسىپ قالا جازداعان. ابىروي بولعاندا، ەشكىم زارداپ شەكپەدى.
«Toyota Prado» كولىگىنىڭ جۇرگىزۋشىسىنە قاتىستى ق ر اكىمشىلىك قۇقىقبۇزۋشىلىق تۋرالى كودەكستىڭ 608-بابى 3-بولىگىمەن (ماس كۇيدەگى جۇرگىزۋشىنىڭ رۋلگە وتىرىپ، كولىك قۇرالىنىڭ بۇلىنۋىنە اكەپ سوققان جول اپاتىنا سەبەپكەر بولۋى) اكىمشىلىك حاتتاما تولتىرىلدى. بۇل بۇزۋشىلىق جيىرما تاۋلىككە اكىمشىلىك قاماۋعا الۋعا جانە جەتى جىل مەرزىمگە كولىك قۇرالىن باسقارۋ قۇقىعىنان ايىرۋعا اكەپ سوعادى»، - دەلىنگەن اقپاراتتا.
