الماتىدا قالا كۇنىن مەرەكەلەۋ اياسىندا قانداي ءىس-شارالار وتەدى

الماتى. قازاقپارات - الماتىدا قالا كۇنىن مەرەكەلەۋ اياسىندا ۇستىمىزدەگى اپتادا ءتۇرلى ءىس-شارالار وتەدى، دەپ حابارلايدى قازاقپارات ءتىلشىسى.

الماتى اكىمدىگى قالا كۇنىن تويلاۋ اياسىندا وسى اپتادا وتەتىن ءىس-شارالاردىڭ ءتىزىمىن جاريالادى. اكىمدىكتىڭ مالىمەتىنشە، 11-17-قىركۇيەك ارالىعىندا ساعات 18:30-دا قالا كۇنى مەن اباي اتىنداعى قازاق ۇلتتىق وپەرا جانە بالەت تەاترىنىڭ 95-شى مەرەيتويلىق تەاتر ماۋسىمىن مەرەكەلەۋ اياسىندا بيبىگۇل تولەگەنوۆانىڭ XIIحالىقارالىق ۆوكاليستەر بايقاۋى وتەدى.

12-18-قىركۇيەك ارالىعىندا ساعات 16:00-22:00 ارالىعىندا «قازاق فيلم» كينوستۋدياسىنىڭ اۋماعىندا جانە ناۋرىزباي اۋدانى اكىمدىگىنىڭ الدىنداعى الاڭدا قازاق كينوسى كۇندەرىنە ارنالعان اشىق اسپان استىنداعى كينو ۇيىمداستىرىلادى. ءىس-شارا اياسىندا قازاقستاندىق كينو جانە ەسترادا جۇلدىزدارى قىزىل كىلەممەن وتەدى، كونسەرتتىك باعدارلاما بولادى جانە قوناقتاردى ارنايى توسىنسىيلار كۇتەدى.

13-14-قىركۇيەك ارالىعىندا اباي الاڭىندا ساعات 20:00-دە جىل سايىنعى «وركەسترلەر فەستيۆالى» اشىق اسپان استىنداعى مۋزىكا فەستيۆالى وتەدى.

13-قىركۇيەكتە قالا تۇرعىندارى مەن قوناقتارى ءۇشىن ساحنادا «AL JAZZ SYMPHONY» ەسترادالىق-سيمفونيالىق وركەسترىنىڭ، سونداي-اق استانادان كەلگەن قوناقتار – ق ر پرەزيدەنتتىك وركەسترىنىڭ ورىنداۋىندا قازاقستاندىق كومپوزيتورلاردىڭ سۇيىكتى اندەرى شىرقالادى.

13-قىركۇيەكتە قۇرمانعازى اتىنداعى قازاق مەملەكەتتىك اكادەميالىق حالىق اسپاپتار وركەسترى مەن «سازگەن سازى» فولكلورلىق-ەتنوگرافيالىق انسامبلى قازاق حالىق كومپوزيتورلارىنىڭ شىعارمالارىن ورىندايدى. بۇل كۇن ۇلى دالانىڭ فولكلورلىق ءىنجۋ-مارجاندارىنا ارنالعان. ءىس شاراعا الماتى قالاسى اكىمدىگىنىڭ قولداۋىمەن Bank RBK دەمەۋشىلىك ەتەدى.

14-قىركۇيەك كۇنى ساعات 16:00-دە اباي داڭعىلى مەن بايسەيىتوۆ كوشەسى قيىلىسىندا Artbat Fest زاماناۋي ونەر فەستيۆالىنىڭ ەكسكۋرسياسى وتەدى. باسپا ءسوز تۋرى كەزىندە جۋرناليستەر ءارتۇرلى مۇسىندەرمەن، AR-تۋىندىلارمەن، مۋرالدارمەن جانە ۋاقىتشا قوندىرعىلارمەن تانىسادى، سونىمەن قاتار سۋرەتشىلەر مەن ولاردىڭ شىعارماشىلىق تۇجىرىمدامالارى تۋرالى تولىق اقپارات الا الادى.

16-17-قىركۇيەكتە ساعات 10 نان 21 گە دەيىن تۇڭعىش پرەزيدەنت ساياباعىندا Apple Fest وتەدى، ول جەر ەكى كۇنگە ۇلكەن الما-ساياباققا اينالادى. فەستيۆال باعدارلاماسىندا الما بازارى، قالالىق مەيرامحانالار جارمەڭكەسى، سپورتتىق، كونسەرتتىك باعدارلامالار جوسپارلانعان. وبلىستىق شارۋاشىلىقتار ساتاتىن الما سانى وتكەن جىلمەن سالىستىرعاندا 100 تونناعا قاراعاندا 127 تونناعا ارتادى.

سونداي-اق، 17-قىركۇيەكتە ساعات 10.00-دە اباي الاڭىندا قالانىڭ دامۋىنا ەرەكشە ۇلەس قوسقان الماتىلىقتار ماراپاتتالادى، بۇل ءتۇرلى ەرىكتىلەر ۇيىمدارىنىڭ وكىلدەرى بولادى.

15-17-قىركۇيەك كۇندەرى ساعات 12.00-20.00 ارالىعىندا قالانىڭ 8 اۋدانى مەن پانفيلوۆ پەن جىبەك جولى جاياۋ جۇرگىنشىلەر كوشەلەرىندە «تۋعان كۇنىڭمەن، الماتىم!» فەستيۆالى وتەدى. مەرەكەنىڭ جالپى تۇجىرىمداماسىنا سايكەس فەستيۆال باعدارلاماسى ءتۇرلى ايماقتارعا بولىنەدى: كوماندالاردىڭ قويىلىمى، جاس ارتىستەردىڭ كونسەرتى، قولونەرشىلەر جارمەڭكەسى، زاماناۋي ونەر كورمەسى، «كينو» كافەسىندە كينو كورسەتىلىمدەرى، جەرگىلىكتى سۋرەتشىلەر مەن ديزاينەرلەردىڭ ارت-نىساندارى، شەبەرلىك ساباقتارى وتەدى.

15-قىركۇيەكتە ساعات 15:00-دە استانا الاڭىندا قازاقستاندىق ەسترادا جۇلدىزدارىنىڭ قاتىسۋىمەن «اlmaty cover show» مەرەكەلىك كونسەرتى وتەدى، ال 17-قىركۇيەكتە ساعات 16:00-دە استانا الاڭىندا «ساعىندىم الماتىمدى» مۋزىكالىق فەستيۆالى وتەدى.

سوڭعى ءىس-شارا رەتىندە 23 جانە 24-قىركۇيەك كۇندەرى ساعات 12:00-دەن 20:00-گە دەيىن اباي اتىنداعى قاز ۇ و ب ت الاڭىندا وتەتىن «Shaisheik Food Fest» تاعام فەستيۆالى وتەدى. اۋماقتا ەرەسەكتەرگە ارنالعان شەبەرلىك سىنىپتارى بار ايماقتار، كىشكەنتاي قوناقتار ءۇشىن انيماتورلارى بار ويىن الاڭدارى، فۋد-كورتتار، بايقاۋ ايماقتارى، اشىق اسپان استىنداعى كينوتەاتر، مەرەكە، ويىن-ساۋىق الاڭدارى، كونسەرتتىك شاعىن الاڭدار مەن فوتوايماقتار بولادى.